Jambyl oblysy Merki aýdanynda aǵymdaǵy jyly paıdalanýsyz jatqan 10 myń gektar jer memleket menshigine qaıtarylady dep josparlanǵan.
Jyl basynan beri jalpy aýdany 4885 gektar, onyń ishinde 616 gektar jaıylym, 4269 gektar tálimdi egistik jerler memlekettik jer qoryna qaıtaryldy.
Atap aıtqanda, Aqermen aýyldyq okrýgindegi «Merki» asyl tuqymdy zaýyty AQ-nyń paıdalanylmaı jatqan aýdany 3910 gektar egistik jeri Jambyl oblysynyń mamandandyrylǵan aýdanaralyq ekonomıkalyq sotynyń 2023 jylǵy 05 sáýirdegi sheshimimen jáne Jambyl oblystyq sotynyń azamattyq ister jónindegi sot alqasynyń 2023 jylǵy 05 maýsymdaǵy qaýlysymen jer qoryna qaıtarý týraly talabyqanaǵattandyryldy.
Jambyl oblysynyń mamandandyrylǵan aýdanaralyq ekonomıkalyq sotynyń 2023 jylǵy 12 maýsymdaǵy uıǵarymyna sáıkes, «SmartAgroKarkara» JShS-niń isi boıynsha, úsh jaqty kelisim rásimderi júrgizilip, Keńes aýyldyq okrýginiń aýmaǵynan jalpy aýdany 265 gektar egistik jer telimderin óz erkimen aýdandyq jer qoryna qaıtarýǵa bitimgershilik kelisim bekitildi.
Sonymen qatar, T.Rysqulov aýyldyq okrýgi turǵyndarynyń tarapynan túsken aryzdaryna baılanysty Jambyl oblysynyń mamandandyrylǵan aýdanaralyq ekonomıkalyq sotynyń 2023 jylǵy 17 qańtardaǵy uıǵarymyna sáıkes, aýdany 15 gektar egistik jer sot tártibimen qaıtarylyp, eldi mekenniń ortaq paıdalanýdaǵy jeri bolyp belgilendi.
