Ermek Köşerbaev Premer-ministrdıŋ orynbasary bolyp taǧaiyndaldy. Tiıstı jarlyqqa memleket basşysy qol qoidy, dep habarlaidy “Adyrna” ūlttyq portaly.
Ol būǧan deiın Şyǧys Qazaqstan oblysynyŋ äkımı qyzmetın atqarǧan.
“Memleket basşysynyŋ Jarlyǧymen Ermek Bedelbaiūly Köşerbaev Qazaqstan Respublikasy Premer-Ministrınıŋ orynbasary bolyp taǧaiyndaldy, ol būrynǧy atqarǧan lauazymynan bosatyldy”, dep habarlaidy Aqordanyŋ baspasöz qyzmetı.
Ermek Bedelbaiūly Köşerbaev 1965 jylǧy 2 mamyrda Almatyda düniege kelgen.
S. Kirov atyndaǧy Qazaq memlekettık universitetın jäne KSRO Syrtqy ıster ministrlıgınıŋ Diplomatiialyq akademiiasyn bıtırgen. 1997-1999 jyldary ol premer-ministrdıŋ kömekşısı qyzmetın atqarǧan. Osy jyldary Syrtqy ıster ministrlıgı men Auyl şaruaşylyǧy ministrlıgınde qyzmet ettı. 2023 jyldyŋ mausymynan bastap Şyǧys Qazaqstan oblysynyŋ äkımı qyzmetın atqarǧan.
Osyǧan deiın Tamara Düisenovanyŋ Prezident kömekşısı qyzmetıne taǧaiyndalǧanyn habarladyq.
