Ermek Kósherbaev Premer-mınıstrdiń orynbasary bolyp taǵaıyndaldy. Tıisti jarlyqqa memleket basshysy qol qoıdy, dep habarlaıdy “Adyrna” ulttyq portaly.
Ol buǵan deıin Shyǵys Qazaqstan oblysynyń ákimi qyzmetin atqarǵan.
“Memleket basshysynyń Jarlyǵymen Ermek Bedelbaıuly Kósherbaev Qazaqstan Respýblıkasy Premer-Mınıstriniń orynbasary bolyp taǵaıyndaldy, ol burynǵy atqarǵan laýazymynan bosatyldy”, dep habarlaıdy Aqordanyń baspasóz qyzmeti.
Ermek Bedelbaıuly Kósherbaev 1965 jylǵy 2 mamyrda Almatyda dúnıege kelgen.
S. Kırov atyndaǵy Qazaq memlekettik ýnıversıtetin jáne KSRO Syrtqy ister mınıstrliginiń Dıplomatııalyq akademııasyn bitirgen. 1997-1999 jyldary ol premer-mınıstrdiń kómekshisi qyzmetin atqarǵan. Osy jyldary Syrtqy ister mınıstrligi men Aýyl sharýashylyǵy mınıstrliginde qyzmet etti. 2023 jyldyń maýsymynan bastap Shyǵys Qazaqstan oblysynyń ákimi qyzmetin atqarǵan.
Osyǵan deıin Tamara Dúısenovanyń Prezıdent kómekshisi qyzmetine taǵaıyndalǵanyn habarladyq.
