Jyl basynan beri qalada kásipkerlerdi qoldaý maqsatynda «Isker qala» baǵdarlamasy aıasynda 153 jobaǵa 412 mln. teńgeniń qoldaýy kórsetildi. Bul týraly búgin ortalyq kommýnıkaııalar qyzmetinde ótken brıfıngte Shymkent ákimi Murat Áıtenov baıandady.
Baǵdarlamada jastar men áıelder kásipkerligin damytý maqsatynda 1 paıyzdyq mólshermen 10 mln. teńgege deıin nesıelendirý, óndiriske baǵyttalǵan 2 paıyzdyq mólshermen 50 mln. teńgege deıin nesıe berý qarastyrylǵan.
Sondaı-aq jergilikti bıýdjetten shaǵyn kásiporyndardyń ónerkásiptik parkterdegi úsh jyldyq jaldaý aqysynyń shyǵyndaryn 25-75% deıin óteý tetigi de qamtylǵan.
«Bızneske arnalǵan úkimet – Shymkent Invest» biryńǵaı ortalyǵynda 33 myńǵa jýyq kásipkerge bıznes-jospardy ázirleýden bastap, jobany paıdalanýǵa berýge deıingi qujattarǵa qoldaý kórsetilýde. Osy baǵyttaǵy jumystardyń nátıjesinde, búginge qalada belsendi kásipkerlik nysandar sany 124 myńnan asyp, ótken jylmen salystyrǵanda 52 paıyzǵa artty.
