Abaı oblysyndaǵy órtte qaza tapqan Meıramgúl Jıenbaeva júkti bolǵan. Bul týraly marqumnyń qurbysy aıtty, - dep habarlaıdy "Adyrna" tilshisi Massaget.kz saıtyna silteme jasap.
"Fılıal basshylyǵy biriniń artyna biri tyǵylyp, kabınetterinde júrip kúni boıy túk te istegen joq. Sodan keıin marqum Meıramgúl qońyraý shalyp, "7 shaqyrym qaldy, 2 shaqyrym qaldy" dep qaıta-qaıta dabyl qaqty. Sońǵy ret baılanysqa shyqqan kezde tóbeden keletin órttiń ortasynda qalǵanyn habarlady", - dedi Ýspenka aýylynyń turǵyny Sholpan Kenjebaeva.
Marqumnyń artynda kúıeýi, 15 jastaǵy uly men 5 jastaǵy qyzy qaldy.
Meıramgúldiń qurbysy Sholpan onyń júkti bolǵanyn aıtty. Borodýlıha aýdany boıynsha bas dáriger Aıjan Amangeldi júktiligine baılanysty Meıramgúldiń tirkeýge turyp úlgermegenin, ondaı aqparat joǵyn aıtty.
