12 mausym künı elımızdegı bala qūqyqtary jönındegı jaŋa ombudsmen bolyp taǧaiyndalǧan Dinara Zakieva Semeidegı örtten qaza tapqan otbasylardaǧy balalarmen kezdestı, dep jazady "Adyrna". Būl turaly ol özınıŋ äleumettık jelıdegı paraqşasynda jazdy.
Jaŋa qyzmet iesınıŋ aituynşa balalarǧa tiıstı kömek körsetılıp, mektepke deiıngı balalar balabaqşaǧa ornalastyrylyp, olardyŋ ärqaisymen äŋgıme örbıgen. Prezident tapsyrmasyna säikes qaitys bolǧan qyzmetkerlerdıŋ balalaryn oqytu, äleumettık qoldau, järdemaqy jäne taǧy basqa koldau şaralary ıske asyrylyp jatqanyn jazdy ol.
"2 bala anasyz qalsa, al 7 bala äkesız qaldy. Öte auyr. Ekeuı älı mektepke de barmaǧan, 2 jäne 5 jasta. Altauy – mektep oquşylary. Bıreuı - universitet studentı.
Balalardyŋ köbı Borodulihina, Uspenka, Jelezenka auyldarynda tūrady. Kışkentailary öskende kım bolǧysy keletınderın aitty. Säl ülkenderı men jasöspırımder bolǧan jaǧdaidyŋ bärın tüsınıp tūr, äkelerımen bırge ötkızgen sätterdı eske aldy.
Keşke marqūm Meiramgüldıŋ Semeidegı tuystarynyŋ üiınde tūryp jatqan 2 balasymen, äpkesımen kezdestık. Öte tatu otbasy eken, bır bırıne qoldau tanytyp, balalarǧa barynşa jylulyq berıp, qastarynda jür.
Äpkesınıŋ aituynşa, Meiramgül men jūbaiynyŋ bolaşaqqa degen jospary jarqyn edı. Jūmystan şyǧyp, ūlynyŋ oquyna bailanysty Semeige köşuge daiyndalyp jatypty. Jūmysyn, ärıptesterın qimai jürgenın de aitypty" dep jazdy ol.
Sonymen qatar, Zakieva qazır evakuasiialyq punktterde 56 bala tūryp jatqanyn, olardyŋ bärımen sölesu jūmystary jürgızılıp, tiıstı şaralar oryndalǧany aityldy.
"Adyrna" ūlttyq portaly
Ūqsas jaŋalyqtar
