Burynǵy Tótenshe jaǵdaılar mınıstri Iýrıı Ilın qyzmettik mindetterine nemquraılylyǵy men salǵyrttyǵy úshin tekserilýde. Bul týraly Ishki ister mınıstri Marat Ahmetjanov aıtty, dep habarlaıdy “Adyrna” ulttyq portaly.
Prezıdent Bas prokýratýraǵa tapsyrma bergen, sonyń negizinde tekseris júredi. Ormannyń órtenýi – tótenshe jaǵdaı, adam shyǵyny boldy, sondyqtan qylmystyq is kezinde tekseris bolyp, nege ýaqytyly shara qabyldanbaǵany, salǵyrttyq, qyzmetin durys atqarmaý faktileri tekseriledi, – dedi seısenbi kúni jýrnalısterdiń suraǵyna jaýap bergen ishki ister mınıstri Marat Ahmetjanov.
Sondaı-aq, mınıstr Abaı oblysyndaǵy órttiń shyǵýyna ot qoıý, salǵyrttyq nemese naızaǵaı sebep bolýy múmkin ekenin aıtty. Mınıstrlikke bul jaǵdaıdy tergep-tekserýge eki aı ýaqyt berilgen.
Eske salaıyq, Abaı oblysyndaǵy orman órti 60 myń gektar jerdi sharpyp, 14 ormanshy qaza tapty. Qazir taǵy bir adam izdestirilip jatyr. Tótenshe jaǵdaılar mınıstrligi órt aýmaǵy 60 myń gektardan 43 myń gektarǵa azaıǵanyn habarlady. Órt sharpýy múmkin degen aýyldardyń turǵyndary Semeı qalasyna evakýaııalandy.
