Pavlodar oblysynda jol apatynan eki jolaýshy qaıtys boldy. Bul týraly polisia.kz jarııalady, dep habarlaıdy “Adyrna” ulttyq portaly.
13 maýsymda Sharbaqty aýdanynyń Galkıno-Jańaaýyl aýdandyq avtojolynda VAZ-21703 avtokóliginiń 18 jastaǵy júrgizýshisi kólikti basqara almaı, aýdaryldy.
Saldarynan 2004 jyly týǵan jolaýshy alǵan jaraqattardan oqıǵa ornynda kóz jumdy, 1987 jyly týǵan jolaýshy aýrýhanada qaıtys boldy. Túrli jaraqattary bar taǵy eki jolaýshy aýrýhanaǵa jetkizildi.
QR qylmystyq kodeksi 345-1-baby 3-bóligi boıynsha sotqa deıingi tergeý bastaldy. Júrgizýshige qatysty bultartpaý sharasy tańdalyp jatyr. Qajetti saraptamalar taǵaıyndaldy.
