Pavlodarda 22 jastaǵy polıeı ózine qol jumsady. Áriptesiniń óliminen keıin birneshe polıeı qyzmetinen aıyryldy, dep habarlaıdy "Adyrna" ulttyq portaly.
Oblystyq prokýratýranyń málimetinshe, Pavlodar oblysynda 22 jastaǵy kishi serjant osy jyldyń maýsym aıynda ózin-ózi atyp óltirgen.
Sotqa deıingi tergep-tekserý Qylmystyq kodekstiń 105-baby 1-bóligi "Jábirlenýshini qorqytý, oǵan qatygezdikpen qaraý nemese onyń adamı qadir-qasıetin únemi qorlaý arqyly adamdy ózin-ózi óltirýine deıin nemese ózin-ózi óltirýge oqtalýyna deıin jetkizý, sol sııaqty ony ózin-ózi óltirýge kóndirý ne soǵan yqpal etý"boıynsha júrgizilip jatyr.
«Pavlodar oblysy PD Ózindik qaýipsizdik basqarmasy atalǵan derek boıynsha qyzmettik tekseris júrgizip, nátıjesinde Ertis aýdany polıııa bólimi men PD birqatar qyzmetkerleri qatań tártiptik jaýapkershilikke tartyldy, onyń ishinde keıbireýleri atqaryp otyrǵan qyzmetinen bosatyldy», - dep habarlady Tengrinews.kz tilshisine Pavlodar oblysy prokýrorynyń orynbasary Erbol Ysqaqov.
