Jetisý oblysynyń ótken bes aıda ekonomıkalyq kórsetkishteri artyp, óndiris, qurylys, saýda sııaqty negizgi salalarda ósim baıqaldy. Bul týraly búgin Ortalyq kommýnıkaııalar qyzmetiniń úılestirýimen Eskeldi aýdanyndaǵy «Taý Jetisý» týrıstik nysany bazasynda ótken brıfıng barysynda Jetisý oblysynyń ákimi Beıbit Isabaev aıtty, - dep habarlaıdy Jetisý oblysy ákiminiń baspasóz qyzmeti.
Spıkerdiń aıtýynsha, qazir oblys turǵyndarynyń sany 700 myń adamǵa jetken, jer kólemi – 118 myń sharshy shaqyrym.
- Almaty oblysynyń quramynan bólingende óńirimizde ekonomıkanyń qurylymyna, bıýdjet kirisiniń az bóligi qalýyna, taǵy basqa obektıvti faktorlarǵa baılanysty birqatar kórsetkishter tómendegen edi. Degenmen 2022 jyldyń qorytyndysy boıynsha oblysta barlyq negizgi nysanaly ındıkatorlarǵa qol jetkizilip, oblys aımaqtar arasynda tórtinshi kórsetkish kórsetti, - dep atap ótti B.Isabaev.
Máselen, oblysta bıylǵy jyldyń 5 aıynda oń dınamıka arta tústi. Mysalǵa saýda 1,8 esege, respýblıkalyq bıýdjettiń túsimderi – 2,8 esege, qurylys kólemi – 31,3%-ǵa, ónerkásip óndirisi – 14,1%-ǵa ósti. Jalpy óńirlik ónimdegi shaǵyn jáne orta bıznestiń úlesi 39,3%-ǵa jetti (QR – 36,5%). Bıyl oblys bıýdjeti 486 mlrd. teńgege jetip, 16 paıyzǵa ósken.
Jetisý oblysy ákiminiń baspasóz qyzmeti.
