2022 jyly aeroǵaryshtyq túgendeý jumystary nátıjesinde paıdalanylmaı jatqan aýyl sharýashylyǵy maqsatyndaǵy 1,077,2 myń ga jer anyqtaldy, onyń 857,2 myń ga jaıylymdyq jer. Qabyldanǵan sharalardyń arqasynda sol jaıylymdyq jerdiń 327 myń ga aınalymǵa endi. Bul týraly búgin Ortalyq kommýnıkaııalar qyzmetiniń uıymdastyrýymen ótken Jetisý oblysynyń ákimi Beıbit Isabaevtyń brıfıngisinde aıtyldy, - dep habarlaıdy Jetisý oblysy ákiminiń baspasóz qyzmeti.
Spıker óz sózinde ótken jyly Memleket basshysynyń oblysqa kelgen saparynda bergen birqatar tapsyrmalaryna sáıkes atqarylǵan jumystardyń qatarynda paıdalanylmaı jatqan jerlerdi qaıtarý sharalarynyń barysyna toqtalyp ótti.
Máselen, ótken jyly osyndaı 1,077,2 myń ga jer anyqtalǵan. Sol anyqtalǵan jerler qatardaǵy 857,2 myń ga jaıylymdyq jerdiń búginde qabyldanǵan sharalar nátıjesinde 327 myń ga aınalymǵa engizilgen, 401,7 myń ga jer ıelerine zań buzýshylyqtardy joıýǵa 1 jyl merzimge nusqamalar berilse, 128,5 myń ga jer memleket menshigine qaıtarylǵan (6,9 myń ga egistik jer, o.i. 3,6 myń – sýarmaly; shabyndyq – 300 ga; jaıylym – 121,3 myń ga). Qalǵan 220 myń gektar bıyl qaıtarylýy tıis. Búgingi kúnge qaıtarylǵany 101,4 myń ga.
Jetisý oblysy ákiminiń baspasóz qyzmeti.
