Bıyl Jetisý óńirinde oblystyq mańyzy bar 221 shaqyrym joldyń jáne 73 eldi mekende 247 shaqyrym aýylishilik joldardyń qurylysy men jóndeýine 33 mlrd. teńge bólindi. Bul týraly búgin Ortalyq kommýnıkaııalar qyzmetiniń uıymdastyrýymen ótken brıfıng barysynda Jetisý oblysynyń ákimi Beıbit Isabaev aıtty, - dep habarlaıdy Jetisý oblysy ákiminiń baspasóz qyzmeti.
- Ekonomıkany damytý men halyqtyń ómir súrý sapasyn jaqsartýdaǵy mańyzdy salalardyń biri - jol ınfraqurylymy. 2022 jyly óńirde oblystyq mańyzy bar 198 km jol, 63 eldi mekende 190 km aýylishilik jol 24,2 mlrd. teńgege jóndelip, salyndy. Qazir jaqsy jáne qanaǵattanarlyq jaǵdaıdaǵy joldardyń úlesi - 91%. Bıyl oblystyq mańyzy bar 221 shaqyrym joldyń jáne 73 eldi mekende 247 shaqyrym aýylishilik joldardyń qurylysy men jóndeýine 33 mlrd. teńge bólindi. Sonymen birge Memleket basshysynyń tapsyrmasyn oryndaý aıasynda 15 apatty kópirge jóndeý júrgizý josparlanǵan, osy jyly jergilikti bıýdjetten sonyń 5-eýin jóndeýge 928 mln.teńge bólinip otyr, - dedi B.Isabaev.
Jetisý oblysy ákiminiń baspasóz qyzmeti.
