Jetisý oblysy elimizde alǵashqy bolyp Taldyqorǵan qalasynda úkimettik emes uıymmen birlesip psıhonevrologııalyq aýrýlary bar naýqastarǵa arnalǵan 50 oryndyq staıonarlyq ortalyq ashty. Osy jáne ózge de áleýmettik qorǵaý salasyndaǵy sharalar týraly búgin jýrnalısterge Jetisý oblysynyń ákimi Beıbit Isabaev brıfıng barysynda baıandap berdi, - dep habarlaıdy Jetisý oblysy ákiminiń baspasóz qyzmeti.
Oblys basshysynyń sózine súıensek, «Qamqorlyq» qorymen birlesip aýtızmi jáne basqa da aqyl-oı kemistigi bar balalarǵa arnalǵan ortalyq jáne Alakól, Panfılov, Sarqan, Qaratal aýdandarynda árqaısysy 30-50 oryn bolatyn balalarǵa arnalǵan Ońaltý bólimsheleri iske qosylǵan. Sonyń ishinde bıyl Alakól jaǵalaýynda múgedektigi bar balalarǵa arnalǵan jazǵy demalys úıi ashylady.
Sondaı-aq kelesi jyly Taldyqorǵanda 150 oryndyq ońaltý ortalyǵyn salý josparlanyp otyr.
Jetisý oblysy ákiminiń baspasóz qyzmeti.
