Belgılı memleket jäne qoǧam qairatkerı Berdıbek Maşbekūly Saparbaev 71 jasqa qaraǧan şaǧynda dünieden ozdy. Qaiǧyly habardy «Qazaqstan» ūlttyq arnasy jetkızdı, dep habarlaidy "Adyrna" ūlttyq portaly
Jurnalist Bauyrjan Omarūly öz paraqşasynda qaiǧyly qazaǧa qatysty:
Bükıl ömırı jūmyspen öttı. Bır auyq tynys aludy bılgen joq. Bes öŋırde ızı qaldy. Bärıbır jalǧan dünie bes-aq kündık eken. Berdıbek aǧam da baqiǧa attandy. "Arǧymaqqa aidai taǧa qaqtyrǧan" azamat edı. Tärbiesın kördık. Taǧylymyn aldyq. Täjıribesın tüisındık. Baq qonǧan bäiterek-tı. Biık edı. Bölek edı. Saialy edı. Aialy edı... Bızdıŋ Äubäkır Smaiylovtyŋ "Qairan Mūqaŋ, qara öleŋnıŋ şynary, Şynar ǧana şynarlarşa synady", - degen jyr joldary bar-dy. Şiraq jürgen Berdıbek aǧam da şynarlarşa şart syndy. "Şamyrqansam, şatynap synar bolatpyn" degen Mahambet aqyn... Nege şamyrqandyŋyz eken, Berdıbek aǧa... Hoş, qūljadai aibar müiızdım... - dep jazdy.Berdıbek Maşbekūly 1953 jyly 9 aqpanda Qyzylorda oblysy Jaŋaqorǧan audanynyŋ Besaryq auylynda tuǧan. 1977 jyly Almaty Halyq şaruaşylyǧy institutyn «Ekonomika jäne materialdyq-tehnikalyq jabdyqtau» mamandyǧy boiynşa bıtırdı. Ekonomika ǧylymdarynyŋ doktory, professor. Eŋbek jolyn Qyzylorda oblysynyŋ Zadarinskii sovhozynyŋ jūmysşysynan bastady (1969-1971 jyldary); äskeri qyzmetın ötkerdı (1971-1973 jyldary). İnstitutty bıtırısımen Respublikalyq memlekettık eŋbek jinaqtau kassalary (gostrudsberkassy) basqarmasynda ekonomist (1977); QazKSR Qarjy ministrlıgınde ekonomist, aǧa ekonomist, jetekşı, bas ekonomist, bölım bastyǧynyŋ orynbasary (1977-1988 jyldary); josparlau-qarjy basqarmasynyŋ bastyǧy, Bas ekonomika basqarmasynyŋ bastyǧy, Qazaqstan Respublikasy Bılım ministrınıŋ orynbasary (1988-1993 jyldary); Prezident Apparaty bölımı men Qazaqstan Respublikasy Ministrlerı kabinetı meŋgeruşısınıŋ orynbasary (1993); Qazaqstan Respublikasy Ministrler kabinetı Ister basqarmasynyŋ Qarjy, eŋbek jäne äleumettık qorǧau bölımı meŋgeruşısınıŋ orynbasary jäne meŋgeruşısı (1994-1995 jyldary) boldy. Qazaqstan Respublikasy Ministrler kabinetı Apparatynyŋ basşysy (1995); Qyzylorda oblysynyŋ äkımı (1995-1999 jyldary); Oŋtüstık Qazaqstan oblysynyŋ äkımı (1999-2002 jyldary) qyzmetterın atqardy; Qazaqstan Respublikasy Kedendık baqylau agenttıgınıŋ töraǧasy, Qazaqstan Respublikasy Qarjy vise-ministrı - Kedendık baqylau komitetınıŋ töraǧasy (2002-2006); Premer-Ministr Keŋsesı basşysynyŋ orynbasary - Qazaqstan Respublikasy Parlamentındegı Ükımettıŋ Ökılı (2006-2007); Qazaqstan Respublikasynyŋ Ekonomika jäne biudjettık josparlau vise-ministrı (2007 jyly aqpan - 27 tamyz). 2007 jyldyŋ tamyzynan Qazaqstan Respublikasynyŋ Eŋbek jäne halyqty äleumettık qorǧau ministrı. 2009-2014 jyldary - Şyǧys Qazaqstan oblysynyŋ äkımı. 2014-2015 jyldary – Qazaqstan Respublikasy Premer-Ministrınıŋ orynbasary. 2015-2019 jyldary – Aqtöbe oblysynyŋ äkımı. 2019 jyldyŋ aqpan-tamyz ailarynda Qazaqstan Respublikasynyŋ Eŋbek jäne halyqty äleumettık qorǧau ministrı boldy. 2019-2020 j. j. – Qazaqstan Respublikasy Premer-ministrınıŋ orynbasary. 2020-2022 jyldary Jambyl oblysynyŋ äkımı boldy. «Qūrmet» (1999), «Parasat» (2007) ordenderımen, «Astana» (1998), «Qazaqstan Respublikasynyŋ täuelsızdıgıne 10 jyl» (2001), «Qazaqstan Respublikasynyŋ Konstitusiiasyna 10 jyl» (2005) medaldarymen marapattalǧan. Marqūmmen qoştasu räsımı mausymnyŋ 11-ınde Almatyda ötedı.
Ūqsas jaŋalyqtar
