Belgili memleket jáne qoǵam qaıratkeri Berdibek Mashbekuly Saparbaev 71 jasqa qaraǵan shaǵynda dúnıeden ozdy. Qaıǵyly habardy «Qazaqstan» ulttyq arnasy jetkizdi, dep habarlaıdy "Adyrna" ulttyq portaly
Jýrnalıst Baýyrjan Omaruly óz paraqshasynda qaıǵyly qazaǵa qatysty:
Búkil ómiri jumyspen ótti. Bir aýyq tynys alýdy bilgen joq. Bes óńirde izi qaldy. Báribir jalǵan dúnıe bes-aq kúndik eken. Berdibek aǵam da baqıǵa attandy. "Arǵymaqqa aıdaı taǵa qaqtyrǵan" azamat edi. Tárbıesin kórdik. Taǵylymyn aldyq. Tájirıbesin túısindik. Baq qonǵan báıterek-ti. Bıik edi. Bólek edi. Saıaly edi. Aıaly edi... Bizdiń Áýbákir Smaıylovtyń "Qaıran Muqań, qara óleńniń shynary, Shynar ǵana shynarlarsha synady", - degen jyr joldary bar-dy. Shıraq júrgen Berdibek aǵam da shynarlarsha shart syndy. "Shamyrqansam, shatynap synar bolatpyn" degen Mahambet aqyn... Nege shamyrqandyńyz eken, Berdibek aǵa... Hosh, quljadaı aıbar múıizdim... - dep jazdy.
Berdibek Mashbekuly 1953 jyly 9 aqpanda Qyzylorda oblysy Jańaqorǵan aýdanynyń Besaryq aýylynda týǵan.
1977 jyly Almaty Halyq sharýashylyǵy ınstıtýtyn «Ekonomıka jáne materıaldyq-tehnıkalyq jabdyqtaý» mamandyǵy boıynsha bitirdi.
Ekonomıka ǵylymdarynyń doktory, professor.
Eńbek jolyn Qyzylorda oblysynyń Zadarınskıı sovhozynyń jumysshysynan bastady (1969-1971 jyldary); áskerı qyzmetin ótkerdi (1971-1973 jyldary).
Instıtýtty bitirisimen Respýblıkalyq memlekettik eńbek jınaqtaý kassalary (gostrýdsberkassy) basqarmasynda ekonomıst (1977); QazKSR Qarjy mınıstrliginde ekonomıst, aǵa ekonomıst, jetekshi, bas ekonomıst, bólim bastyǵynyń orynbasary (1977-1988 jyldary); josparlaý-qarjy basqarmasynyń bastyǵy, Bas ekonomıka basqarmasynyń bastyǵy, Qazaqstan Respýblıkasy Bilim mınıstriniń orynbasary (1988-1993 jyldary); Prezıdent Apparaty bólimi men Qazaqstan Respýblıkasy Mınıstrleri kabıneti meńgerýshisiniń orynbasary (1993); Qazaqstan Respýblıkasy Mınıstrler kabıneti Ister basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jyldary) boldy.
Qazaqstan Respýblıkasy Mınıstrler kabıneti Apparatynyń basshysy (1995); Qyzylorda oblysynyń ákimi (1995-1999 jyldary); Ońtústik Qazaqstan oblysynyń ákimi (1999-2002 jyldary) qyzmetterin atqardy; Qazaqstan Respýblıkasy Kedendik baqylaý agenttiginiń tóraǵasy, Qazaqstan Respýblıkasy Qarjy vıe-mınıstri - Kedendik baqylaý komıtetiniń tóraǵasy (2002-2006); Premer-Mınıstr Keńsesi basshysynyń orynbasary - Qazaqstan Respýblıkasy Parlamentindegi Úkimettiń Ókili (2006-2007); Qazaqstan Respýblıkasynyń Ekonomıka jáne bıýdjettik josparlaý vıe-mınıstri (2007 jyly aqpan - 27 tamyz).
2007 jyldyń tamyzynan Qazaqstan Respýblıkasynyń Eńbek jáne halyqty áleýmettik qorǵaý mınıstri. 2009-2014 jyldary - Shyǵys Qazaqstan oblysynyń ákimi. 2014-2015 jyldary – Qazaqstan Respýblıkasy Premer-Mınıstriniń orynbasary.
2015-2019 jyldary – Aqtóbe oblysynyń ákimi.
2019 jyldyń aqpan-tamyz aılarynda Qazaqstan Respýblıkasynyń Eńbek jáne halyqty áleýmettik qorǵaý mınıstri boldy.
2019-2020 j. j. – Qazaqstan Respýblıkasy Premer-mınıstriniń orynbasary.
2020-2022 jyldary Jambyl oblysynyń ákimi boldy.
«Qurmet» (1999), «Parasat» (2007) ordenderimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Respýblıkasynyń Konstıtýııasyna 10 jyl» (2005) medaldarymen marapattalǵan.
Marqummen qoshtasý rásimi maýsymnyń 11-inde Almatyda ótedi.
