Qasym-Jomart Toqaev memleket jäne qoǧam qairatkerı Berdıbek Saparbaevty qabyldady. Būl turaly Aqorda mälımdedı, dep habarlaidy "Adyrna" ūlttyq portaly.
Memleket basşysyna öŋırlerde atqarylyp jatqan jūmystar turaly, Prezidenttıŋ bastamalary men saiasi reformalaryn halyqtyŋ keŋınen talqylap jatqany turaly mälımet berıldı.
Berdıbek Saparbaev özı qyzmet atqarǧan Jambyl oblysynda oryndalyp jatqan Prezident tapsyrmalarynyŋ nätijelerın keŋınen baiandady. Atap aitqanda, azamattardyŋ tūrmys sapasyn arttyruǧa, qoǧamnyŋ yntymaǧy men bırlıgın nyǧaituǧa baǧyttalǧan «Asar», «Tuǧan jerge taǧzym», «Jomart tülek» jäne «Beibıtşılık pen kelısım» atty jobalar jaily aityldy. Sonymen qatar Jambyl öŋırınde jüzege asyrylǧan pilottyq joba turaly mälımet berıldı. Būl bastamalar ärbır otbasynyŋ özın-özı asyrauyna jaǧdai jasauǧa negızdelgen.
Berdıbek Saparbaev Qasym-Jomart Toqaevqa quaŋşylyq jaǧdaiynda auyl şaruaşylyǧyn älsıretıp almai, odan ärı damytu jönınde, sondai-aq jergılıktı bilık pen ata-analardyŋ bırlese otyryp, balalardy eŋbekke baulu ısın qolǧa alu turaly ūsynystaryn aitty.
Kezdesu barysynda jastar arasyndaǧy jūmyssyzdyqty şeşu mäselesı de talqylandy.
"Adyrna" ūlttyq portaly
Ūqsas jaŋalyqtar
