Eks-májilis depýtaty Nurjan Áltaev asa iri kólemde para aldy dep kúdiktelip otyr, dep habarlaıdy «Adyrna» tilshisi.
«Áltaev 2018-2019 jyldar aralyǵynda Eńbek jáne halyqty áleýmettik qorǵaý vıe-mınıstri bola tura, júıeli túrde «Atameken» UKP Basqarma tóraǵasy A.I. Myrzahmetovten para retinde aı saıyn 5 000 AQSh dollary mólsherinde aqsha qarajatyn aldy dep kúdiktenedi.
Keıinnen ol 2019-2020 jyldar aralyǵynda Parlament Májilisiniń depýtaty laýazymyn atqara otyryp, Myrzahmetovten para alý boıynsha óziniń sybaılas jemqorlyq qyzmetin jalǵastyrdy.
Jalpy alǵanda, olar para retinde 135 000 AQSh dollaryn aldy. Bul asa iri kólem bolyp sanalady»,—dep jazdy Antıkor.
Aıta keteıik, 7 maýsymda Sybaılas jemqorlyqqa qarsy qyzmet jasyryn is-sharalar kesheniniń nátıjeleri boıynsha eks-vıe-mınıstr Nurjan Áltaevty asa aýyr jemqorlyq qylmys jasady degen kúdik boıynsha ustady. Ol Astana qalasy polıııa departamentiniń ýaqytsha ustaý ızolıatoryna qamaldy. Qazirgi tańda bultartpaý sharasy boıynsha másele sheshilip jatyr.
