Saılaý aldynda halyqqa bergen ýádelerdiń oryndalýy tek bizge baılanysty – Erlan Qoshanov

1216
Adyrna.kz Telegram

Búgin «AMANAT» tóraǵasy Erlan Qoshanov Úkimet músheleriniń qatysýymen Parlament Májilisindegi partııa frakııasynyń keńeıtilgen otyrysyn ótkizdi. Depýtattar 2023-2027 jyldarǵa arnalǵan «Halyqpen birge!» saılaýaldy baǵdarlamasyn oryndaý jónindegi Jol kartasyn bekitti.  Jıyndy ashqan Erlan Qoshanov partııanyń barlyq saılaýaldy mindettemesi adamdardyń ómir súrý sapasyn jaqsartýǵa jáne olardyń naqty áleýmettik máselelerin sheshýge baǵyttalǵanyn atap ótti.

«Bıyl alǵash ret Prezıdentke Premer-mınıstrdiń kandıdatýrasyn «AMANAT» usyndy jáne qazir partııa men Úkimet halyq pen Memleket basshysynyń aldynda jaýapkershiligi ortaq. Aldaǵy úsh jyldyń bıýdjeti erekshe. Ol Prezıdenttiń saılaýaldy baǵdarlamasy men partııanyń elektoraldy ýádelerin eskere otyryp jasaldy. Adamdar osy qujattardyń ár tarmaǵynyń oryndalýyn kútip otyr. Depýtattarmen birge árbir mınıstr men ákim osy jumys úshin derbes saıası jaýapty bolady», - dedi Erlan Qoshanov.

Budan soń kún tártibi boıynsha Premer-mınıstrdiń orynbasary – Qarjy mınıstri Erulan Jamaýbaev sóz aldy. Ol ázirlengen Jol kartasy azamattardyń ál-aýqatyn arttyrýǵa jáne ishki óndiristi damytýǵa baǵyttalǵan 10 mindet boıynsha 205 is-sharadan turatynyna toqtaldy.

«Sapaly turǵyn úıge qoljetimdilikti arttyrý maqsatynda barlyq qarjylandyrý kózi esebinen 78 mln. sharshy metrden astam jańa turǵyn úı qurylysy qamtamasyz etiledi. 30 myńǵa jýyq apatty jáne tozyǵy jetken turǵyn úı ıeleri jańa baspanaǵa kóshýge múmkindik alady. 2027 jylǵa qaraı mektepke deıingi uıymdarda 300 myń jańa oryn ashylyp, 2 jastan 6 jasqa deıingi (ótinish bergender sanynan) balalardy mektepke deıingi tárbıemen jáne oqytýmen qamtý 99%-ke deıin ulǵaıady. Aldaǵy jyldary jańadan 1,5 mln. oqýshy orny ashylyp, shaǵyn qalalarda, aýdan ortalyqtary men aýyldarda 3 myń mektep jańǵyrtylady. Sondaı-aq, 50 balalar saýyqtyrý lagerin qurý josparlanýda», - dedi E.Jamaýbaev.

Óz kezeginde frakııa jetekshisi «AMANAT» partııasynyń Atqarýshy hatshysy Elnur Beısenbaev partııanyń saılaýaldy ýádelerin júzege asyrý úshin qajet qarajattyń bári qarastyrylǵanyn málimdedi. Ol sondaı-aq partııanyń óńirlik Jol kartalaryn júzege asyrý boıynsha birqatar mysal keltirdi. Atap aıtqanda, 2027 jylǵa qaraı Aqmola oblysynyń elınograd aýdanynda aýdandyq ortalyq aýrýhana salynady. 2024 jyly Jezqazǵan qalasynda ınsýlt ortalyǵy ashylady, Almaty oblysynda taıaý bes jylda 63 mektep salynady, al Mańǵystaý oblysynda 2027 jylǵa qaraı aýyz sý tapshylyǵy problemasyn sheshý úshin 6 tuzdan tazartý zaýyty salynady.
Jıyndy qorytyndylaı kele, «AMANAT» Tóraǵasy Erlan Qoshanov partııanyń jol kartalary naqty oryndalý ındıkatorlary bar keshendi jospar ekenin atap ótti.

«Bul qujatta barlyq áleýmettik toptyń múddeleri eskerilgen jáne ol ár óńirdi, ár aýdan men aýyldy qamtıdy. Májilistegi jáne barlyq deńgeıdegi máslıhattardaǵy partııamyzdyń depýtattary Jol kartalarynyń júzege asyrylýyna, onyń ishinde qarjylandyrýǵa qatysty turaqty baqylaý júrgizýge tıis. Saılaý aldynda halyqqa bergen ýádelerdiń oryndalýy tek bizge baılanysty»,- dep basa aıtty partııa Tóraǵasy.

Erlan Qoshanov sońǵy saılaý naýqany barysynda partııaǵa azamattardan 40 myńǵa jýyq talap-tilek kelip túskenin eske saldy. Saılaýshylar daýys bergen «Halyqpen birge!» Saılaýaldy baǵdarlamasynyń negizi de – naq osy azamattardan kelgen ótinishter. Ol depýtattardy belsendi bolýǵa jáne partııa qabyldaǵan mindettemelerdi iske asyrýǵa jan-jaqty atsalysýǵa shaqyrdy.

«Aýylda jumys isteıtin jas dárigerlerge 10 mıllıon teńge kóleminde kóterme járdemaqy berý – bizdiń saılaýaldy ýádelerimizdiń biri. Bul bastama barlyq óńirde qoldaý tapty. Bul medıına mamandarynyń tapshylyǵy máselesin túbegeıli sheshýge múmkindik beredi. Osy ýádeni tezirek iske asyrý úshin depýtattar mınıstrliktermen birge aıryqsha baqylaýǵa alyp, isti sońyna deıin jetkizý kerek», - dedi ol.

Frakııa jıynynyń qorytyndysynda Erlan Qoshanov depýtattyq korpýstyń jumysyn kúsheıtýge qatysty birqatar naqty tapsyrma berdi. Atap aıtqanda, saılaýaldy ýádelerdiń oryndalýyn baqylaý úshin árbir amanattyq depýtatqa Jol kartasynyń birqatar tarmaǵy bekitiledi. Júıeli monıtorıng júrgizý úshin partııa men Úkimettiń birlesken shtaby qurylyp, ol turaqty túrde jınalyp turady. Sonymen qatar, frakııa jylyna bir ret Úkimettiń Jol kartasyn júzege asyrý týraly esebin tyńdaıdy.

Pikirler