Qazaqstandaǵy 97 myńnan asa pedagogtiń jalaqysy 2,5 ese artady. Bul týraly Oqý-aǵartý mınıstrligi mektepke deıingi bilim departamenti málimdedi, dep habarlaıdy “Adyrna” ulttyq portaly.
Aqparat boıynsha, memleket basshysynyń tapsyrmasymen 2020 jyldyń qańtarynan 2023 jyldyń qańtaryna deıin tárbıeshilerdiń jalaqysy jyl saıyn 25% ósken. 2023 jylǵy 1 qyrkúıekten bastap taǵy 30% ósedi. Osylaısha, elimizdegi 97 myńnan asa pedagogtiń jalaqysy 2,5 ese artady.
Memleket basshysynyń qoldaýynyń arqasynda iske asyrylatyn pedagogterdiń jalaqysyn jyl saıyn arttyrý oń nátıje berdi. Mektepke deıingi bilim berý júıesiniń kadrlyq áleýetin kúsheıtý maqsatynda olardy daıarlaý, biliktiligin arttyrý jáne attestattaý júıesin jetildirý, áleýmettik mártebesi men jalaqysyn arttyrý boıynsha mınıstrlik júıeli jumys júrgizip jatyr. Mektepke deıingi, orta, tehnıkalyq jáne kásiptik bilim berýdi damytýdyń 2023-2029 jyldarǵa arnalǵan tujyrymdamasy qabyldandy. Ádistemelik kabınetter janynan mektepke deıingi tárbıe men oqytý pedagogterine ádistemelik kómek kórsetý úshin mobıldi toptar quryldy, - dedi departament dırektory Natalıa Jumadildaeva.
Sondaı-aq, «Mektepke deıingi tárbıe jáne oqytý» baǵyty men mamandyǵy boıynsha kadrlar daıarlaý 39 joǵary oqý orny men 119 kolledjde iske asyrylady. Kolledjder óńirlik erekshelikterdi eskere otyryp, mektepke deıingi uıymdarmen birge «Pedagog» kásibı standarty negizinde bilim berý baǵdarlamalaryn ázirleıdi jáne oqý baǵdarlamalary men josparlaryn jańartady.
Pedkolledjderge qoıylatyn biliktilik talaptary qaıta qaralyp, bıyl mektepke deıingi bilim berýdiń 20 myńnan asa pedagogi biliktilikti arttyrý kýrstarynan ótedi.
