Búgin, 20 naýryzda Astanada parlamenttiń birlesken otyrysynda Qasym-Jomart Toqaev saltanatty túrde ant berdi.
20 naýryz túski saǵat 12:00-de bastalǵan ant berý rásimine parlament depýtattary, úkimet músheleri, bıliktiń ózge de tarmaq ókilderinen bólek eldiń tuńǵysh prezıdenti Nursultan Nazarbaev qatysty. Ony parlament depýtattary oryndarynan turyp, uzaq shapalaqtap qarsy aldy.
Osydan soń Qazaqstan parlamenti senatynyń tóraǵasy qyzmetin atqarǵan Qasym-Jomart Toqaev keldi. Ant berý rásimi aldynda konstıtýııalyq keńes tóraǵasy Qaırat Mámı Ata zańnyń 42-babyna sáıkes, Toqaevtyń ant bergen sátinen bastap prezıdent qyzmetine kirisetinin aıtty. Budan keıin Qasym-Jomart Toqaev saltanatty túrde ant berdi.
"Qazaqstan halqyna adal qyzmet etýge, Qazaqstan Respýblıkasynyń Konstıtýııasy men zańdaryn qatań saqtaýǵa, azamattardyń quqyqtary men bostandyqtaryna kepildik berýge, Qazaqstan Respýblıkasy Prezıdentiniń ózime júktelgen mártebeli mindetin adal atqarýǵa saltanatty túrde ant etemin" dedi Toqaev.
El konstıtýııasynyń 48-babynyń 1-tarmaǵyna sáıkes, Qazaqstan prezıdentiniń ókileti merziminen buryn toqtatylǵan jaǵdaıda onyń ókileti parlament senatynyń tóraǵasyna kóshedi. Ol bul qyzmetti jańa prezıdent saılanǵanǵa deıin atqarady.
Qazaqstan Konstıtýııasyna sáıkes, naqty jaǵdaıda el prezıdenti ókiletin alǵan Qasym-Jomart Toqaev senat tóraǵasy qyzmetinen bosatylady.
Ant bergennen keıin sóz alǵan Qazaqstannyń prezıdenti Qasym-Jomart Toqaev Nursultan Nazarbaevtyń "memleket úshin sińirgen eńbegin" atap ótip, memleket astanasyna tuńǵysh prezıdent Nursultan Nazarbaevtyń esimin berýdi usyndy.
"Qazaqstan astanasyn Nursultan dep ataýdy usynamyn" dedi ol.
Buǵan qosa Toqaev tuńǵysh prezıdenttiń qurmetine el astanasynda monýment ornatýdy, "barlyq oblystardaǵy basty kóshelerge Nursultan Nazarbaevtyń atyn berý týraly" usynys aıtty.
Prezıdent qyzmetine kirisken Toqaev alǵashqy jarlyǵymen Nursultan Nazarbaevqa "Halyq qaharmany" ataǵyn berip, "Altyn qyran" ordenin tapsyrdy. Ol Nursultan Nazarbaevty "saıası ustazym" dep atap, alǵys bildirdi. Ol sóz arasynda eldegi bıliktiń "qaqtyǵyssyz beıbit jolmen aýysyp jatqanyn" atap ótti.
19 naýryzda Qazaqstan prezıdenti Nursultan Nazarbaev respýblıkalyq telearnalardan halyqqa úndeý jasap, prezıdenttik ókiletin toqtatatynyn málimdedi.
Nazarbaev úndeý jasap jatqanda qol qoıǵan "Qazaqstan Respýblıkasy prezıdentiniń ókiletin atqarý týraly" jarlyqqa sáıkes, onyń prezıdenttik ókileti 20 naýryzda toqtatyldy.
65 jastaǵy Qasym-Jomart Toqaev 90-shy jyldardyń sońy 2000-shi jyldar basynda Qazaqstannyń syrtqy ister mınıstri, premer-mınıstri boldy. Jenevadaǵy BUU ókildiginde túrli qyzmet atqardy. Qazaq, orys, aǵylshyn jáne qytaı tilderinde sóıleıdi.
Qasym-Jomart Toqaev kim? (19.03.2019 jyl).
AQSh JÁNE EÝROODAQ REAKIIaSY
AQSh memlekettik departamenti 19 naýryzda AQSh-tyń Qazaqstanmen "turaqty" baılanysy Nazarbaev otstavkasynan keıin de jalǵasa beredi dep málimdedi. "AQSh jáne Qazaqstan tyǵyz ekijaqty qarym-qatynasty qoldaıdy, oǵan ótken jyly prezıdent [Donald] Tramp pen prezıdent Nazarbaevtyń tarıhı kezdesýi dálel. Bul ımpýls ári qaraı da jalǵasa beredi dep kútemiz" dedi AQSh memlekettik departament ókili seısenbi kúni.
Nursultan Nazarbaev 2018 jyly qańtar aıynda AQSh-qa resmı saparmen barǵan. AQSh-taǵy kezdesýler negizinen aımaq qaýipsizdigi, ekonomıkalyq máseleler jáne ekijaqty qarym-qatynasty damytýǵa arnalǵan.
Eýropa Odaǵynyń (EO) syrtqy saıasat jónindegi joǵarǵy ókili Federıka Mogerını Nazarbaevtyń "reforma júrgizý" jáne "aımaqtyq, álemdik deńgeıde beıbitshilik, turaqtylyq jáne qaýipsizdikke erekshe baǵyttalǵan áriptestikti damytýdaǵy mańyzdy rólin" joǵary atap ótken.
"Biz aýysýdyń Qazaqstan Konstıtýııasyna sáıkes birqalypty ótkenin qalaımyz" dedi baspasóz hatshysy Maııa Kosıanchıch.
Qazaqstan prezıdentiniń baspasóz qyzmeti Nazarbaevtyń prezıdent ókiletin toqtatatyny jaıly sheshimdi Reseı prezıdenti Vladımır Pýtınmen talqylaǵanyn habarlap, eki el jetekshileriniń "bolashaqta turaqty baılanysty jalǵastyrý týraly" keliskenin málimdedi.
"Adyrna" ulttyq portaly
