Qyzmet kórsetý barysynda qatelikke boı aldyrǵan SCAT áýe kompanııasynyń ústinen ákimshilik is qozǵaldy. Bul jaıynda Azamattyq avıaııa komıtetinen málim etti, dep habarlaıdy "Adyrna" ulttyq portaly.
«Indýstrııa jáne ınfraqurylymdyq damý mınıstrliginiń Azamattyq avıaııa komıtti osy jyldyń 27 mamyrynda Qostanaı-Antalıa baǵytyndaǵy VSV-5280 reısinen jolaýshylardy túsirgeni úshin úshin SCAT áýe kompanııasyna qatysty Ákimshilik quqyq buzýshylyq týraly kodekstiń 571-babymen ákimshilik iss qozǵady. Jolaýshylardyń barlyq sanatyna, onyń ishinde múmkindigi shekteýli jandarǵa qyzmet kórsetý barysynda ádep normalaryn saqtaý Qazaqstan áýe kompanııalarynyń basymdyǵy bolýy tıistigin atap ótemiz. Bul talaptardy buzýǵa jol berýge bolmaıdy ári orynsyz», - dep atap ótedi komıtetten.
SCAT áýe kompanııasynyń málimetinshe, jolaýshylarǵa keltirilgen shyǵyn ótelgen jáne olar taıaý ýaqytta týrıstik joldamaǵa sáıkes Antalıaǵa ushýdy josparlap otyr. Sonymen qatar áýe kompanııasynyń ákimshilik quqyq buzýshylyqqa jol bergen qyzmetkerlerine qatysty tártiptik sıpattaǵy is-shara qoldanylatyn bolady.
«Degenmen, SCAT áýe kompanııasy quqyq buzýshylyqqa jol bergeni úshin Qazaqstan Respýblıkasynyń qoldanystaǵy zańnamasyna sáıkes ákimshilik jaýapkershilikke tartylatyn bolady», - dep qadap aıtty Azamattyq avıaııa komıteti.
"Adyrna" ulttyq portaly
