1 maýsym kúni Qazaqstandyq mektepterde sońǵy qońyraý soǵyldy. Bıylǵy túlekter de qymbat kortejdermen, shýly rásimdermen jelini jarýda.
“Adyrna” portaly áljelide taraǵan elimizdegi sońǵy qońyraý merekesinen keıingi erekshe sátterdiń toptamasyn jarııalady.
Vıdeolardan túrli aımaqtaǵy túlekterdiń qymbat kólikter minip kortej uıymdastyrǵanyn, tipti keıbiriniń ıahta jaldaǵanyn baıqasańyzdar bolady. Al Tarazdyq mekteptiń birinde juldyzdy ártister óner kórsetken.
Óner kórsetken ártister ishinde MýzART toby, Ábdijappar Álqoja, Serikbol Saılaýbek, Nurbolat Abdýllın, Ádilet Jaýǵashar, Ǵazızhan Shekerbekov boldy. "Adyrna" tilshisiniń alǵan aqparaty boıynsha ánshiler sol mekteptiń túlegi Beıbit Ystybaevtyń 20 jyldyq merekesine kelgen.
Shar ushyrý jáne vals bıleý sátinen qyzyqty kadrlardy nazarlaryńyzǵa usynamyz.
Sondaı-aq, kadrlardan mektep bitirý saltanatyna hıdjab kıetin túlekti qatystyrmaı qoıǵanyn baıqaýǵa bolady. Oqýshy qyz qatarlastarynan tys qalyp, sońǵy qońyraý soǵylǵan sátti terezeden kórgen.
Vıdeo toptamany tómennen kóre alasyz:
Posmotret etý pýblıkaııý v Instagram
