Búginde Syr óńirinde egin egý naýqany qyzý júrýde. Bıyl oblys boıynsha 195,6 myń gektar jerge aýyl sharýashylyǵy daqyldaryn ornalastyrý josparlanýda. Onyń ishinde negizgi daqyl kúrishtiń kólemi - 83,9 myń gektardy quraıdy. Jalpy osy jyly egis kólemin - 7,0 myń gektarǵa, kúrish kólemin - 5,3 myń gektarǵa, mal azyqtyq daqyldardy - 2,3 myń gektarǵa ulǵaıtý mejelenýde. Al Abaı aýylyndaǵy «Aqjol» sharýashylyǵy bıyl 250 gektar jerge egin ekken. Sharýashylyq brıgadıriniń aıtýynsha, óńirdegi sý tapshylyǵyna qaramastan ár gektardan 60 entnerden joǵary ónim alýdy kózdep otyr. Búgin Óńirlik kommýnıkaııalar qyzmetiniń uıymdastyrýymen ótken kóshpeli brıfıngte BAQ ókilderi atalmysh sharýashylyqtyń jumys barysymen tanysty.
— Bizdiń «Aqjol» sharýashylyǵy 1997 jyldan beri kúrish egýmen aınalysyp keledi. Sońǵy jyldary óńirdegi sý tapshylyǵy saldarynan sharýashylyqtaǵy egis kólemi birshama qysqardy. Degenmen, biz qolda bar múmkindikti paıdalana otyryp, 250-300 gektarǵa deıin egin egýdemiz. Jalpy bizdiń sharýashylyqta 15 adam eńbek etedi. Búginde mundaǵy jumysshylar Syr salysyn tolyq sýǵa bastyryp, 100 gektar jerge jońyshqa ekti. Ekken ár gektardan jyl saıyn 60 entnerden joǵary ónim jınaımyz. Sharýashylyqta jalpy sany 6 tehnıka qamtamasyz etilgen, - dedi «Aqjol» sharýashylyǵynyń óndiris brıgadıri Jetpisbaı Erdenov.
Oblysta egin egý jumystary 15 naýryzdan bastalǵan bolatyn. Búgingi kúnge deıin 80,5 myń gektar jerge negizgi daqyl kúrishtiń dáni sebilip, onyń 72,0 myń gektary sýǵa bastyryldy. Al dándik júgeri - 210 gektarǵa, súrlemdik júgeri - 420 gektarǵa, kúnbaǵys - 45 gektarǵa, soıa - 64 gektarǵa, kartop - 1,7 myń gektarǵa, kókónis - 3,7 myń gektarǵa egildi. Jalpy 3 979 birlik aýyl sharýashylyǵy tehnıkasy tolyq jóndeýden ótkizilip, kóktemgi egin egý naýqanyna qatysýda.
