Aǵymdaǵy jyldyń 2-4 maýsym aralyǵynda Taraz qalasynda «Taraz – qolónershiler qalasy» II halyqaralyq qolónershiler kórmesin ótkizý josparlanýda.
Atalǵan is-sharanyń uıymdastyrýshysy Jambyl oblysy ákimdigi.
Kórmege Azııa-Tynyq muhıty, Ortalyq Azııa, Eýropa, Taıaý Shet elder men Qazaqstannyń qolónershileri qatysady.
Shaqyrylǵan qolónershilerdiń jalpy sany - 250.
Sondaı-aq, halyqaralyq qolónershiler qaýymdastyqtarynyń, halyqaralyq sarapshylardyń, týrızm salasyndaǵy memlekettik jáne memlekettik emes uıymdardyń ókilderiniń qatysýy kútilýde.
Is-sharanyń maqsaty-óńirdiń týrıstik ımıdjin ilgeriletý, otandyq qolónershilerdi halyqaralyq deńgeıde tanymal etý, jaqyn jáne alys shetelderden kelgen óner sheberleri arasynda tájirıbe almasý.
Kórme aıasynda:
- kádesyılardy satý jármeńkesi;
- qolónershiler baıqaýy;
- «Kóne Taraz» jas qolónershiler baıqaýy;
- konerttik baǵdarlama, teatrlandyrylǵan kórinis;
- dóńgelek ústel;
- BAQ úshin baspasóz konferenııasy;
- syrttan kelgen qonaqtardy óńirimizdiń tarıh jáne mádenıet nysandarymen tanystyrý maqsatynda ekskýrsııalyq týrlar uıymdastyrylatyn bolady.
«Kóne-Taraz» tarıhı-etnomádenı keshenindegi «Galereıa» men «Kórme zaly» ǵımarattarynda jáne keshen alańynda arnaıy ornalastyrylǵan shatyrlarda qolónershiler jármeńkesi ótkiziledi. Sonymen qatar, osy kesheniniń alańynda 5 kıiz úı tigiledi.
«Kóne Taraz» balalar men jasóspirimder arasynda qolóner baıqaýynyń erejesi daıyndalyp, baıqaýdyń birinshi kezeńi qazirgi kezde ótkizilýde. Osy konkýrstyń qorytyndysy «Kórme zaly» ǵımaratynda ótkiziledi, ıaǵnı konkýrsqa qatysýshylar syılyqtar jáne alǵys hattarmen marapattalatyn bolady.
