Búgin «AMANAT» Tóraǵasy Erlan Qoshanov partııa janyndaǵy respýblıkalyq keńesterdiń jańa tóraǵalarymen jıyn ótkizdi. Ol mundaı keńester partııanyń negizgi dıalog alańdary ekenin atap ótip, amanattyqtardyń aldynda turǵan birqatar mańyzdy mindetti belgilep berdi. Is-shara partııanyń óńirlik fılıaldarynyń qosylýymen beınekonferenbaılanys rejıminde ótti.
Sóz basynda Erlan Qoshanov keńesterdiń negizgi maqsatynyń biri – Prezıdent pen partııanyń saılaýaldy baǵdarlamalarynyń oryndalýyna turaqty monıtorıng júrgizý ekenin atap ótti.
«Salalyq keńesterdiń tıimdiligin túbegeıli arttyryp, bul jumysqa partııanyń jańa jaqtastaryn, sarapshylar men qoǵamdyq pikir kóshbasshylaryn tartý kerek. Bizdiń keńester qoǵamdy tolǵandyrǵan taqyryptardy anyqtap, ýaqytyly kóterip otyrýy, problemalyq nysandarǵa barýy, olarǵa qatysty sheshim shyǵaryp otyrýy tıis. Bul partııalyq qurylymdardyń jumysyn jandandyrýǵa jáne «AMANAT»-tyń árbir múshesiniń saılaýaldy mindettemelerdi oryndaý kezindegi jeke jaýapkershiligin arttyrýǵa múmkindik beredi», – dedi partııa Tóraǵasy.
Erlan Qoshanov partııa qyzmetiniń ashyqtyǵy men jarııalyǵy qanshalyqty mańyzdy ekenine jeke toqtaldy.
«Májilistegi «AMANAT» frakııasy ár toqsan saıyn ortalyq memlekettik organdardyń saılaýaldy ýádelerdi oryndaý aıasyndaǵy respýblıkalyq jol kartasyn júzege asyrý jónindegi esebin tyńdap otyrady. Jarııa talqylaý ashyqtyqty qamtamasyz etedi jáne ýákiletti mınıstrlikterdiń sheshim qabyldaý kezindegi jaýapkershiligin arttyrady. Sondyqtan óńirlerde jergilikti atqarýshy organdardyń osyndaı tyńdaýlaryn uıymdastyrý qajet. Osy oraıda, saılaýaldy ýádelerdiń oryndalýyna monıtorıng júrgizý maqsatynda keńester men frakııalardyń ózara is-qımylyn qamtamasyz etýdi tapsyramyn», – dedi partııa Tóraǵasy.
Otyrys barysynda Erlan Qoshanov partııanyń Saıası keńesi Bıýrosynyń sheshimimen taǵaıyndalǵan «AMANAT» janyndaǵy keńesterdiń jańa basshylaryn tanystyrdy.
Osylaısha, Partııalyq baqylaý komıtetine – Pavel Kazanev, Ekologııalyq keńeske – Baýyrjan Smaǵulov, Óńirlik damý jónindegi keńeske – Berik Beısenǵalıev, Ekonomıka, ıfrlandyrý jáne ınnovaııalardy damytý máseleleri jónindegi keńeske – Ekaterına Smyshlıaeva, Agrarlyq sektordyń máseleleri jónindegi keńeske – Nurjan Áshimbetov, Jastardy qoldaý jónindegi keńeske – Nartaı Sársenǵalıev basshylyq etetin boldy.
Sonymen qatar, Erlan Saırov – Sybaılas jemqorlyqqa qarsy is-qımyl jónindegi keńeske, Juldyz Súleımenova – Bilim jáne densaýlyq saqtaý máseleleri jónindegi keńeske, Amanjol Áltaı – Azamattyq qoǵam men mádenıetti damytý jónindegi «Miras» keńesine, Dınara Zákıeva – Otbasy jáne halyqty áleýmettik qorǵaý máseleleri jónindegi keńeske jetekshilik etýdi jalǵastyrady.
Óz kezeginde, Sybaılas jemqorlyqqa qarsy is-qımyl jónindegi keńes tóraǵasy Erlan Saırov aldaǵy jumys josparymen bólisti.
«Bizdiń basty maqsatymyz – saılaýaldy ýádelerdiń barlyǵyn júzege asyrý. Al naqty bizdiń keńeske qatysty aıtatyn bolsam, Memleket basshysynyń elden zańsyz shyǵarylǵan kapıtaldy qaıtarý jónindegi tapsyrmasyn oryndaýǵa barynsha kúsh salýymyz kerek. Óńirlerde bıýrokratııa men protekıonızm áli de saqtalyp otyr. Bizdiń keńesterimiz osy jáne ózge de ózekti máselelerdi sheshýge atsalysýy tıis. Partııaǵa degen senim deńgeıi osy jumystyń oryndalýyna baılanysty bolmaq», – dedi ol.
Bilim jáne densaýlyq saqtaý máseleleri jónindegi keńes tóraǵasy Juldyz Súleımenovanyń aıtýynsha, keńes jumysynyń arqasynda Túrkistan oblysyna qarasty aýyldardaǵy 45 mektepke kúrdeli jóndeý júrgizý máselesi sheshildi. Sonymen qatar, keńes músheleri Ulttyq ǵylymı onkologııalyq ortalyqtyń jańa ǵımaratyn salý úshin bıýdjet qarajatyn bólýge atsalysty.
«Ár azamat áleýmettik jaǵdaıyna nemese turǵylyqty jerine qaramastan sapaly bilim alýǵa mindetti. Budan bólek, densaýlyq saqtaý salasyna da nazar aýdaryp kelemiz. Iaǵnı, dári-dármektiń qoljetimdiligin arttyrý, aýyl medıınasyn damytý jáne bilikti jas mamandardy tartý baǵytynda jumys istep jatyrmyz», – dedi ol.
Óz kezeginde, Pavlodar oblysyndaǵy ekologııalyq keńestiń tóraǵasy Irına Chıdýnchı memlekettik organdarmen keri baılanys ornamaı otyrǵanyn, atap aıtqanda keńes joldaǵan hattardyń 80%-na nemquraıly jaýap qaıtarylatynyn aıtty.
Al Túrkistan oblysyndaǵy otbasy jáne halyqty áleýmettik qorǵaý máseleleri jónindegi keńestiń tóraǵasy Jańabaı Aǵabekov amanattyqtar jedel áreket etý toptary arqyly «Baqytty otbasy» jobasy aıasynda ómirdiń qıyn jaǵdaıyna tap bolǵan óńirdegi otbasylarǵa kómek kórsetetinin atap ótti.
Jıyn qorytyndysynda «AMANAT» Tóraǵasy Erlan Qoshanov partııanyń Ortalyq apparaty men óńirlik fılıaldardyń aldyna jumysty kúsheıtý boıynsha birqatar naqty mindet qoıdy.
Aıta keteıik, byltyr respýblıkalyq keńesterdiń 56 otyrysy ótip, onda 91 másele qaraldy. Memlekettik organdarǵa arnalǵan 584 usynym ázirlendi. Sondaı-aq, komıtetterdiń 23 otyrysy ótkizilip, onda 52 másele qaraldy jáne 59 usynym daıyndaldy. Óńirlik deńgeıdegi keńester 5,6 myńnan astam otyrys ótkizip, onda 11,2 myńǵa jýyq másele qaraldy.
Respýblıkalyq deńgeıdegi keńester sany 14-ten 10-ǵa deıin, al óńirlik deńgeıde – 1700-den 379-ǵa deıin qysqardy.
