Medeý aýdandyq №2 soty Almaty qalasy Sport basqarmasynyń eks-basshysy Rústem Baıseıitov pen onyń qaramaǵyndaǵylarǵa úkim shyǵardy. Olar 367 mıllıon teńgeni jymqyrǵany úshin aıyptalyp otyr, dep habarlaıdy «Adyrna» tilshisi.
Burynǵy basshy Rústem Baıseıitov 4 jyl 6 aıǵa bas bostandyǵynan aıyryldy.
Ol endi memlekettik qyzmette laýazymdy mindetti atqara almaıdy.
Sondaı-aq Almaty qalasy Sport basqarmasynyń qarjy-sharýashylyq basqarmasynyń eks basshysy Áıgerim Baıǵonova 3 jyl 6 aıǵa, «Qazaqstan golf federaııasy» ÚEU sport menedjeri Álııa Smaqova 3 jylǵa, «Qazaq Sport» JShS dırektory Erjan Muhamanov 7,5 jylǵa sottaldy.
Aıta keteıik, Sport basqarmasynyń burynǵy basshysy sotta óz kinásin tolyq moıyndamady.