Úlken Almaty shatqalyn aralaýǵa ketken Aýstralııa azamatynyń qaıta oralmaǵany belgili boldy, dep habarlaıdy "Adyrna" ulttyq portaly respýblıkalyq jedel qutqarý jasaǵynyń baspasóz qyzmetine silteme jasap.
1995 jyly týǵan Aýstralııa azamaty 21 mamyrda Úlken Almaty shatqalyna qaraı ketken. Sodan oralmaǵan. Bul týraly polıııa departamentine er adammen birge kelgen Reseı azamaty habarlaǵan.
"Aýstralııalyq azamatty sońǵy ret áriptesteri kórgen. Joǵalǵan er adamnyń dos qyzynyń aıtýynsha, joǵalǵan adam ekeýi týrıstik saparmen Almatyǵa 20 mamyrda keshke kelgen. Saǵat tańǵy 7-de týrıster qaıta ushyp ketýi kerek bolǵan. Qyz áýejaıǵa jalǵyz kelgen, sol jerde er adamdy kezdestiremin dep oılaǵan. Alaıda aýstralııalyq azamat sol kúıi oralmaǵan", - deıdi vedomstvo.
Týrısti izdeýge 6 adamnan turatyn respýblıkalyq jedel-qutqarý jasaǵynyń (RJQJ) qutqarý toby jáne 1 kınologııalyq top jiberildi. 23 saǵat 40 mınýtta olar izdeýge kiristi. 2 saǵat 40 mınýtta RJQJ qyzmetkerleri men polıııa departamentiniń qyzmetkerleri Ǵarysh stanııasyna deıin kóterilip, betkeılerdi tekserdi. Sol mańdaǵy Úlken Almaty kóliniń jaǵalaýyn da jiti qarap shyqqan.
Alaıda avstralııalyq azamat sol kúıi tabylmaǵan. Izdeý sharalary kezinde Almatydaǵy aýa raıy da qolaısyz bolǵan.
"Saǵat 10.45-te Úlken Almaty ózenine qutqarýshylardyń taǵy bir toby keldi. 10 adam saǵat 11:15-te Ǵarysh stanııasynan izdeýdi jalǵastyrdy. Qutqarýshylar eki topqa bólindi: bireýi Aıýsaı shatqalyna, ekinshisi Prohodnoe shatqalyna ketti", - deıdi RJQJ baspasóz qyzmeti.
"Adyrna" ulttyq portaly
