Oralda alaiaqtyq jasady dep aiyptalǧan bloger Aslan Ötepov tergeu izoliattorynda aştyq jariialady. Būl turaly "Uralskaia nedelia" jazdy, dep habarlaidy “Adyrna” ūlttyq portaly.
Oralda belgılı blogerdıŋ soty jürıp jatyr. Sot talqylauy barysynda prokuror Ötepovty 7,5 jylǧa bas bostandyǧynan aiyrudy sūrady.
Ötepov türme kamerasynan videoündeu jasap, 3 kündık aştyq jariialaǧanyn mälımdedı. Bloger öz mälımdemesınde bırqatar qūqyq qorǧau organdary qyzmetkerın kınälı dep sanaudy sūrady.
Qorǧauşy tarap azamattyq belsendıge qarsy qylmystyq ıstıŋ astarynda tramadoldy zaŋsyz satuǧa qarsy küresıne bailanystyryp otyr.
Eske salaiyq, Aslan Ötepov alaiaqtyq jasady jäne para beruge şaqyrdy dep aiyptalǧan. Sot otyrysynda
"Men resmi türde üş künnen berı aştyq jariialap otyrmyn. Eger aştyq jariialaǧan soŋ basyma qandai da bır qiyndyq tüsse, myna adamdardy kınälauyŋyzdy sūraimyn: bırınşıden, ötınışke zaŋsyz qol qoiǧan Oral qalasynyŋ prokurory Sätbaev Azamatty. Sodan soŋ Semilidi Anastasiiany. 1976 jyly tuǧan sudia Karpov Nikolai da bar", - deidı Ötepov videoda.
Ötepov būl şeşımdı özı qabyldaǧanyn jäne özı qamauda otyrǧan mekeme äkımşılıgıne eşqandai talaptary joq dep sendırdı.
