Almatyda 24 mamyr kúni «Alataý» dástúrli-óner teatrynda saǵat keshki 19:00-de Baýyrjan Momyshulynyń kelini, jazýshy, qazaqy dástúrlerdi nasıhattaýshy, etnograf Zeınep Ahmetovamen Almaty qalasy ákimdiginiń qoldaýymen «Adyrna» qoǵamdyq qorynyń uıymdastyrýymen kezdesý ótedi.
Bizdiń ulttyq qadir-qasıetimizdi, qundylyqtarymyzdy búgingi jastarǵa nasıhattap, salt-dástúrimizdi dáriptep, aqyl-keńesterin ult sanasyna jetkizip kele jatqan Zeınep Ahmetovamen tuńǵysh ret Almaty qalasynda aýqymdy deńgede shara ótpekshi.
Sondaı-aq, is-sharaǵa ónertanýshy, ánshi Erlan Tóleýtaı jáne odan ózge ǵalym, zııaly qaýym ókilderi qatysady dep kútilýde.
Zeınep apaıymyz Almaty qalasyndaǵy oqýshy, stýdent jastarmen, ulttyq qundylyqtarǵa beı-jaı qaramaıtyn qalyń kópshilikpen kezdesip, tálim-tárbıe, salt-dástúr, jalpy ulttyq bolmys jóninde keńinen áńgime tarqatady. Qatysýshylar Zeınep Ahmetovaǵa tikeleı saýaldaryn qoıyp, jaýabyn ala alady.
Tirkeli úshin siltemege ótińiz.
