Keşe öŋırlık kommunikasiialar qyzmetınıŋ alaŋynda Sarysu audany äkımınıŋ mındetın atqaruşy Säken Mamytov jäne Jaŋatas qalasynyŋ äkımı Düisenälı Borsyqovtyŋ qatysuymen baspasöz mäslihaty öttı. Spikerler brifing barysynda Sarysu öŋırınde biyl atqarylǧan jūmystar turaly baiandama jasady.
Basqosuda alǧaşqy bolyp söz alǧan Säken Ümbetūlynyŋ aituynşa, aimaqtyŋ äleumettık-ekonomikalyq damuynyŋ barlyq salasynda oŋ dinamika qalyptasqan.
Eseptı kezeŋde önerkäsıp önımınıŋ kölemı 26,1 milliard qūrap, 103,7 paiyzǧa, investisiialardyŋ kölemı 10,1 milliard teŋgege jetıp, 267,7 paiyzǧa oryndalǧan. Audanda aldaǧy 5 jylǧa investisiialyq jobalardyŋ perspektivalyq jospary jasaqtalǧan.
Auyl şaruaşylyǧy salasynda 4 aida öndırılgen önımnıŋ kölemı 2,6 milliard teŋgenı qūrap, ötken jylmen salystyrǧanda 102,8 paiyzǧa artyp otyr. Audandaǧy egıstık jer kölemı 24 717 gektardy qūrasa, 24 500 gektary igerılgen. Sonymen qatar paidalanylmai jatqan 77,6 myŋ gektar jer memleket menşıgıne qaitarylǧan. Al eldı meken jaiylymy 110,0 myŋ gektarǧa ūlǧaiǧan.
Audanda mal şaruaşylyǧy önımderınıŋ kölemı de artuda. Jyl basynan öndırılgen et kölemı 3 paiyzǧa, süt önımı 2,7 paiyzǧa artqan.
Jyl basynan berı 254,3 million teŋgenı qūraityn 32 jaŋa tehnika alynyp, jaŋaru körsetkışı 4,6 paiyzǧa jetken. Jyl aiaǧyna deiın tehnika jaŋartu ülesı 12,0 paiyzǧa jetedı.
– Käsıpkerlıktı damytu – basty nazarda. Bügıngı künge audanda 4 932 şaǧyn jäne orta biznes subektısı tırkelgen. Onyŋ 4 385-ı belsendı qyzmet ıstep, ötken jyldyŋ tiıstı kezeŋımen salystyrǧanda 48,2 paiyzǧa artty. Jyl basynan käsıpkerlerge 472 million teŋgege memlekettık qoldau körsetıldı. Qūrylys jūmystarynyŋ kölemı 2023 jyldyŋ 4 aiynda 1,5 milliard teŋgenı qūrap, 147,5 paiyzǧa jettı .
Biyl qūrylys salasyna «Şaǧyn jäne mono qalalardy damytu» baǧdarlamasy aiasynda 578,1 million teŋge qarjy qaralyp otyr. Sonymen qatar «Biznestıŋ jol kartasy-2025» baǧdarlamasy aiasynda jyldyq quaty 400 myŋ tonna kalsiilengen soda öndıru zauytynyŋ şekarasyna deiın Aqköl kölınen su tartqyşty saluǧa 2,1 milliard teŋge jäne Jaŋatas sement zauytyn elektrmen jabdyqtau üşın 163,5 million teŋge qarjy bölınıp, biyl aiaqtalady.
Audanda 4 aidyŋ qorytyndysymen paidalanuǧa berılgen tūrǧyn üilerdıŋ jalpy kölemı 2 467 şarşy metrdı qūrap otyr. Kommunaldyq tūrǧyn üi qorynan päter alu kezegınde 1 588 adam tūr.
Biyl halyqty tūrǧyn üimen qamtamasyz etu maqsatynda respublikalyq jäne oblystyq biudjetten 2,1 milliard teŋge qaralyp, qazır merdıgerlerdı anyqtau boiynşa konkurs jūmystary jürgızılude, – dedı Säken Mamytov.
Spiker mūnan soŋ eldı mekenderdı abattandyru jūmystary, «Auyl – el besıgı» jobasy, auyzsumen qamtu, gazdandyru, sport, densaulyq, mädeniet salalary boiynşa atqarylǧan jūmystary men jetken jetıstıkterge keŋınen toqtaldy.
Brifing barysynda Jaŋatas qalasynyŋ äkımı Düisenälı Borsyqovtyŋ da baiandamasy tyŋdaldy. Spiker aldymen qalanyŋ damuy negızderıne toqtaldy.
– Bügıngı künge 5 ırı öŋdeu önerkäsıbı, atap aitqanda, «Evrohim» JŞS, «Qazfosfat» TKÖK, «Jaras» mūnai öŋdeu zauyty, «Asyl tūz» solianaia kompaniia» JŞS, «Taraz kölık joly» asfalt öndıru zauyty tūraqty türde jūmys ısteude.
Biylǧy jyldyŋ 4 aiynda önerkäsıp önımderınıŋ qūny 23,7 milliard teŋge qūrady, – dedı D.Borsyqov.
Jalpy qalada būdan da basqa atqarylyp jatqan jūmystar qyruar. Jaŋatas qalasynyŋ äkımı barlyǧyna jıtı toqtalyp, BAQ ökılderınıŋ saualdaryna jauap berdı.
Aijan ÖZBEKOVA
