"Mekemeniń kireberisine ondaǵan kámeletke tolmaǵan bala men jasóspirimder jınaldy. Kadrdan balalardyń kezekte qalaı qysylyp turǵanyn kórýge bolady", - dep jazdy vıdeo avtory.
Jastardyń nómirin vıdeodan kórgen Talǵat esimdi jeli qoldanýshysy:
- Aqtóbede tegin dónergege jınalǵan jastar. «Malym - janymnyń sadaqasy, janym - arymnyń sadaqasy!», - dep atam qazaq súıekke jetkizip aıtyp ketken edi. Bir kúndik tamaq úshin ar men namysty jıyp qoıǵandardyń isi uıat, - dep jastardyń áreketin synǵa aldy.
Bul jaǵdaı tóńireginde jeli qoldanýshylarynyń pikiri ekige jaryldy, biri qoldasa, biri dúrse qoıa berdi:
- Osyny jarııa jasaǵan adam jaýapqa tartylsyn! Ne masqara! Jastar jazym bolýy múmkin.
- Bizde tegin berýge bolmaıdy. -50% dese de bolatyn edi ǵoı. Taǵy da qazaq halqy masqara boldy.
- Stýdentter ash, olardy oqý oryndarynda ystyq tamaqpen qamtamasyz etý kerek.
- Qyzdarǵa ne joq?
Polıeıler sharany uıymdastyrýshylar QR ÁQBtK-niń 505-baby boıynsha ákimshilik jaýapkershilikke tartylǵanyn aıtty.
"Adyrna" ulttyq portaly
