Ақтөбеде жаңа ашылған дәмхана есебінен тегін дөнерін алуға жиналған жұрттың құлқыны желі қолданушыларының жағасын ұстатты. Кадрлардан олардың "тегін" дүниенің жолында бірін-бірі таптап кетуге дайын тұрғанын байқауға болады, деп хабарлайды "Адырна" ұлттық порталы.
"Мекеменің кіреберісіне ондаған кәмелетке толмаған бала мен жасөспірімдер жиналды. Кадрдан балалардың кезекте қалай қысылып тұрғанын көруге болады", - деп жазды видео авторы.Жастардың нөмірін видеодан көрген Талғат есімді желі қолданушысы:
- Ақтөбеде тегін дөнергеге жиналған жастар. «Малым - жанымның садақасы, жаным - арымның садақасы!», - деп атам қазақ сүйекке жеткізіп айтып кеткен еді. Бір күндік тамақ үшін ар мен намысты жиып қойғандардың ісі ұят, - деп жастардың әрекетін сынға алды.Бұл жағдай төңірегінде желі қолданушыларының пікірі екіге жарылды, бірі қолдаса, бірі дүрсе қоя берді:
- Осыны жария жасаған адам жауапқа тартылсын! Не масқара! Жастар жазым болуы мүмкін. - Бізде тегін беруге болмайды. -50% десе де болатын еді ғой. Тағы да қазақ халқы масқара болды. - Студенттер аш, оларды оқу орындарында ыстық тамақпен қамтамасыз ету керек. - Қыздарға не жоқ?
"Адырна" ұлттық порталы
