nemese Qytaı - Qazaq janjaly kimderge tıimdi?
1..AQSh-ta turatyn dıssıdent, uıǵyr halqynyń ult-azattyq kúresiniń jetekshisi - Rabııa Qadyr hanymǵa tıimdi!
Ol bul kúreske ózderiniń derbes memleketi bar qazaqtardy aralastyra alsa, onda uıǵyrlardyń ult-azattyq kúresi qytaı memleketiniń ishki emes, halyqaralyq deńgeıdegi máselege aınalar edi! Rabııa hanymnyń armany - uıǵyr ultynyń basyndaǵy otty qazaqtyń basyna aýystyrý! Bul úshin ol baryn salyp, óte jaqsy daıyndyq jasaǵan eken. Óziniń kınofabrıkasynda jasalynǵan, jan túrshigerlik neshe túrli vıdeorolıkterdi, qytaıdaǵy «saıası úırený mektebinde» bolyp jatqan azaptaý oqıǵalary dep, álemge, ásirese Qazaqstanǵa aqparat taratyp, ony qytaıdaǵy qazaqtardyń taǵdyrymen baılanystyra alǵany - Rabııa hanym kútkendeı nátıje berdi dep oılaımyn! Dáleli - qazaq qoǵamyndaǵy búgingi oryn alǵan dúrbeleń! Ásirese ońaı jazylmasy belgili - oralman, jergilikti bolyp qazaqtardyń ekige jarylǵany men ultymyzdyń abzal aqsaqaldary, ultshyldaryna jaǵylǵan kúıe! Muny Rabııa hanymnyń Qazaqstan bıligiindegi adamdary men qazaq qoǵamyna aldyn ala daıyndalǵan, tamasha saıası tehnologııamen engizilgen - jaldamaly belsendileri úrlep órshitip otyrdy. Osynyń saldarynan, tipti qujattaryna «qazaqpyn» dep jazýǵa kelisken uıǵyrdyń bárin elimizge qabyldaı bereıik degen qazaqtar da shyqty. Al buǵan sońǵy ýaqytta paıda bolǵan «sábı saıasatkerlerdiń» pármendi atsalysýlary men jaǵdaıdan beıqabar qarapaıym kópshiliktiń eshteńe túsinbeı qoldaı ketýi - memleketimizdi shynymen-aq qaýipke tirep qoıýy ábden múmkin. Osyndaı kópshiliktiń eshteńe túsinbeı bireýlerdi qoldaı ketýi saldarynan qazaq múddesine kereǵar - jańa Jer Kodeksi qabyldanyp ketkeni belgili.
2. AQSh-qa tıimdi.
Olardyń Qazaqstanǵa degen qyzyǵýshylyǵy Qyrǵyzstandaǵy AQSh «Manas» áskerı-aýa bazasy jabylǵannan keıin, eselep ósti. Ámerıkanyń endigi armany - Qazaqstanda qazirgi Sırııadaǵydaı jaǵdaı ornatyp, soǵan pármendi túrde «Ádil bı» retinde qoıan-qoltyq aralasý! Osy jaǵdaıda, «eki qarsylasynyń eki búıirine qanjarynyń úshyn taqap qoıyp», Qytaıǵa qysymyn arttyrsa, Reseıge degenin jasatý!
3. Reseıge tıimdi!
Qazaq qytaıdan qorqyp, orystyń qoltyǵyna, óz erkimen, kirer edi. Búgingi belarýster sııaqty.
4. Tipti, bundaı jaǵdaı, qytaıdyń ózine de tıimdi!
Tájikstannyń Taýly-Badahshan aımaǵy sııaqty Qazaqstannyń Almatyǵa deıingi jerin ózderine qosyp alatyn múmkindik týýy ǵajap emes!
Mine, qarap otyrsaq, qytaı-qazaq janjaly neshe bir alpaýyt memleketterge tıimdi eken! Onda nege olar bul janjaldy osy ýaqytqa deıin jasamady? Ámerıka - qazaqty demokratııalyq el eteıin, Qytaı - qazaqty baı kórshi eteıin, al Reseı - burynǵy adal dos dep, jany ashyp otyr ma? Joq!
Olardyń birde-bireýinde ózderiniń dittegen maqsattaryna tolyq jete alamyn degen kepildigi ǵana joq! Mine, qazaqty qutqaryp otyrǵan osy ǵana!
Tap búgingi sátte bizge eń qaýiptisi - Rabııa hanymnyń oıyny! Bul jaǵdaıda joǵaryda jazylǵan úsh memlekette bir-birin aıyptaı almaıdy! Bastaǵan olar emes. Ol kezde bastaǵan - qazaqtyń ózi bolady! Úsheýi de óz «enishterin» alyp qalady. Sondyqtanda, bul úsh memlekettiń barlaý qurylymdary, jaǵdaıdy syrttan baqylap, aralaspaı, beıtarap otyr. Bolmasa, Rabııa hanymnyń separatıstik áreketin joıa salý olarǵa túkke turmaıdy. Al bizdiń barlaý qurylymdarymyz úshin halyqaralyq ortasha qýatty separatıstik top - alynbaıtyn qamal eken! Bul bizdiń jemqorlyqpen ábden shirigen júıemizdiń qorǵaný dárejesiniń kórsetkishi!
Geroıhan Qystaýbaev
