Almaty ákimi Baýyrjan Baıbek Memleket basshysynyń "Nur Otan" partııasynyń XVIII sezinde aıtylǵan halyqtyń az qamtylǵan tobyna, onyń ishinde kópbalaly analarǵa qoldaý kórsetý jónindegi tapsyrmasyn oryndaý boıynsha qalalyq jospardy tanystyrdy. Megapolıs basshysy ol úshin jergilikti bıýdjetten 5,5 mlrd. teńgeden astam qarjy bólinetinin atap ótti, - dep habarlaıdy Tengrinews.kz tilshisi Almaty ákimdiginiń baspasóz qyzmetine silteme jasap.
"Memleket basshysy atap ótkendeı, árbir qazaqstandyq otbasy reforma nátıjesin bolashaqta emes, dál qazir sezinýleri tıis. Az qamtylǵan azamattardyń tabysyn kóterý, baspanaǵa, sapaly bilim men densaýlyqqa qoljetkizýleri jáne óńirlerdi damytý úshin Prezıdent qosymsha 2 trıllıon teńge bólýdi tapsyrdy. Prezıdent alǵa qoıǵan áleýmettik máselelerdi sapaly oryndaý úshin Almatyda naqtyly sharalar jospary, onyń ishinde "Baqytty otbasy" qalalyq áleýmettik baǵdarlamasy jasaldy. Bul - jeńildetilgen turǵyn úı ıpotekasy, oqýshylar men stýdetterdiń stıpendııasy, áleýmettik jáne birrettik tólemder, jumyspen qamtý jáne basqalary. Jalpy, halyqtyń az qamtylǵan tobyna, onyń ishinde kópbalaly otbasylarǵa keshendi qoldaý kórsetý úshin 5,5 mlrd. teńgeden astam qarjy bólinedi", - dedi Baýyrjan Baıbek.
Endi 11 naýryzdan bastap "Baqytty otbasy" arnaıy qalalyq turǵyn úı baǵdarlamasy boıynsha qujattar qabyldanady. Alǵashqy jarna turǵyn úı qunynyń 10 paıyzyn quraıdy, mólsherleme - 2 paıyz. Kezekte turǵan 1276 kópbalaly jáne tolyq emes otbasylardyń alǵashqy jarnany tóleýge qarajattary joq bolǵandyqtan qala bıýdjetinen 1 mıllıon teńgeniń turǵyn úı sertıfıkattary bólinedi.
Almatynyń kópbalaly otbasylary úshin ekinshi balasynan bastap bala baqsha tegin bolady. 20 naýryzdan bastap az qamtylǵan otbasylardyń 4 myńǵa jýyq oqýshylaryna alǵash ret stıpendııa tólenedi. Mektep oqýshylary aı saıyn 5 myń teńgeden, al ýnıversıtetter men kolledjder stýdentteri 10 myń teńgeden alady.
Qıyn jaǵdaıǵa dýshar bolǵandarǵa beriletin birrettik tólem kólemi 25 myńnan 50,5 myń teńgege kóbeıedi. 15 naýryzdan bastap járdemaqy kólemi artyp, 5 myńǵa jýyq adamdy qamtıdy. 15 naýryzdan bastap az qamtylǵan otbasylarǵa ystyq jáne sýyq sý eseptegish quraldaryn jeke ornatýǵa beriletin járdemaqy kólemi 70 paıyzǵa nemese 5 myńnan 8,6 myńǵa ósedi. Bulardan ózge, az qamtylǵandar tobyna kommýnaldyq qyzmetke ketetin shyǵynnyń ornyn toltyrý úshin beriletin járdemaqy kólemi 5 paıyzǵa deıin artady.
1 naýryzdan Almatydaǵy jumyssyz analardy oqytý jáne kásibı daıyndaý sharalary bastaldy ári olarǵa 16,7 myń teńge kóleminde stıpendııa beriledi. Qalada jastar praktıkasy, sýbsıdııa bólip jumyspen qamtý, jalaqysy 63 myń teńgelik áleýmettik jumysqa tartý sharalary uıymdastyrylýda.
Bir tereze qaǵıdasy boıynsha jumys jasaıtyn kópbalaly analar Ortalyǵynda quqyqtyq jáne psıhologııalyq keńester beriledi, reabılıtaııalyq kómek kórsetiledi, ortalyq 1 sáýirden bastap esigin ashady. Munda kópbalaly analar eńbekpen qamtylady, mını - bala baqshalar uıymdastyrylady.
Qalalyq Áleýmettik ál-aýqat basqarmasynyń basshysy Rahat Shımasheva megapolıste "Nurly jer" baǵdarlamasy boıynsha jalǵa beriletin, onyń ishine kópbalaly otbasylar da kiredi, 40 myńnan astam páterler qurylysy bastalatynyn aıtty. Ataýly áleýmettik kómek kólemin kún kóris kórsetkishinen 70 paıyzǵa deıin kóterý barysynda Almatyda ony alatyndar sany 2 699 dan 4000 adamǵa ósti. Múgedek balalardy tárbıeleýshilerge beriletin tólem kólemi 31,1 myńnan 41,6 myńǵa artty. Bul shara 7 394 adamdy qamtıdy. Memleket basshysynyń tapsyrmasy boıynsha Almatynyń bıýdjettik salasyndaǵy 30 myńnan astam qyzmetkerlerdiń jalaqysyn 30 paıyzǵa deıin kóterý josparlanǵan
