"Shamamen saǵat 19:00 kezinde ózbek prokýratýrasynyń qyzmetkerleri Tashkenttegi páterime basa-kóktep kirip keldi. Merziminen buryn shartty túrde bostandyqqa shyqqan anam osy páterde 2018 jyldyń maýsym aıynyń sońynan beri turady. Olardyń [prokýratýra ókilderi – red.] biri áýeli "basshylyq" atynan anama qoqan-loqy jasap, birneshe mınýttan soń prokýratýranyń ózge qyzmetkerlerimen birge jetip kelip, anamdy belgisiz jaqqa alyp ketti" dep jazdy Iman.
Ózbekstan bıligi 46 jastaǵy Gúlnara Karımovanyń ustalǵanyn rastady. Bas prokýratýra habarlamasynda 5 naýryzda Iashnabad aýdandyq qylmystyq ister jónindegi sot "jaza óteý sharty men tártibin qasaqana buzǵan" Karımovanyń erkindigin shekteý jazasyn ózgertip, ony jalpy rejımdegi túzeý kolonııasyna qamaýǵa úkim etkeni aıtylǵan. Prokýratýranyń túsindirýinshe, Gúlnara Karımova "baılanys quraldaryn, ınternetti paıdalanǵan" jáne "ózi keltirgen zııandy óteýge belsendi túrde bóget jasaǵandyqtan" sot buǵan deıin taǵaıyndalǵan jaza óteý túrin ózgertken.
2015 jyly Ózbekstan soty Gúlnara Karımovany "bopsalaý, aqsha jymqyrý jáne salyq tóleýden jaltarý" qylmystary boıynsha aıypty dep tanyp, bes jylǵa bas bostandyǵyn shekteý jazasyn taǵaıyndaǵan.
Shveııa, Shveıarııa men AQSh Karımovanyń ústinen is qozǵap, mıllıard dollarǵa jýyq qarjy jymqyrǵan degen aıyp taqqan. Ol Ózbekstanda jumys istegen telekommýnıkaııalyq kompanııalardyń keminde altaýynan para alǵan degen kúdikke ilingen.
Bir kezderi Gúlnara Karımova Ózbekstandy 27 jyl basqaryp, 2016 jyly qyrkúıekte qaıtys bolǵan ákesi Islam Karımovtiń ornyn basýy yqtımal tulǵa dep sanalǵan.
"Azattyq radıosy"
