Deputat: Blogerler qoǧam üşın de, memleket üşın de qauıptı qūbylys

Mäjılıs deputaty Anas Baqqojaev ükımet basşysy Älihan Smaiylovtyŋ jäne bas prokuror Berık Asylovtyŋ atyna deputattyq saual joldap, onda blogerler turaly aitqan. Deputat blogerler turaly aita kelıp: «Bıraq, äleumettık jelılerın paidalanyp, azamattar men ūiymdardyŋ qūqyǧy men zaŋdy müddelerıne ziian keltıretın jalǧan aqparat taratqany üşın olarǧa qoldanylatyn şara qarastyrylmaǧan. Sol sebeptı olarda eşqandai jauapkerşılık joq. Artyn zerttep, şyndyq pa, joq pa bastaryn qatyrmaidy. Bastysy şu. Bastysy söz» deidı. Deputattyq saualdyŋ tolyq nūsqasyn tömende berıp otyrmyz. «Osydan on şaqty jyl būryn «bloger» degen söz qazaq qoǧamyna alǧaş engende – bız olardy sapaly kontent jasaityn jas mamandar dep qabyldaǧan edık. Alǧaşynda bälkım solai bolǧan da şyǧar, bıraq qazır «bloger» degen kım? Qazır özın blogermın dep jürgenderdıŋ denı – aqparattyŋ ras-ötırıgın teksermei, oŋai jolmen baiu maqsatynda kez kelgen adamǧa jala jabudan taiynbaityn, bopsalap aqşa tabatyn, ataqqūmar, eldıŋ berekesın būzyp, qauıpsızdıgıne qater töndıretın sauatsyz adamdar. Özın bloger sanap jürgenderdıŋ basym bölıgı şyn mänınde blogtyŋ ne ekenın tüsınıp jür dep aita almaimyz. Köpşılıgı el aldyndaǧy bedelın, ataq-därejesın paidalanyp, halyqqa kömek jasap jatqandai syŋai tanytyp, äleumettık jelılerde türlı «haip» ūiymdastyryp älek. Däl osy blogerler talai jyldan berı ūmyt bolǧan qarjylyq piramidanyŋ jandanuyna da sebep bolǧanyn bärımız jaqsy bılemız. Sol alaiaqtarǧa senıp qalǧan qanşama adam suisid jasady, qanşauy densaulyǧynan airyldy, taǧy qanşamasy üisız-küisız qalyp, qaŋǧyryp kettı?! Olardyŋ obaly kımge? Elde bolyp jatqan türlı äleumettık jaǧdailardy öz yŋǧaiyna būrmalap, oǧan ūltaralyq reŋ berıp, elge jalǧan aqparat taratqan blogerlerdıŋ de ısı maişammen qaraluy kerek edı. Rastalmaǧan qauesettıŋ äleumettık jelı arqyly tez tarauynan Qordai oqiǧasynyŋ nemen aiaqtalǧany bärıŋızge mälım. Jeke azamattardyŋ ışken-jegenın, kigen kiımıne deiın aŋdyp, qoǧamda kiberbulling jasap jürgen blogerler toby taǧy bar. Ökınışke qarai, ömırge degen közqarasy endı qalyptasyp kele jatqan jastarymyz osy blogerlerge elıktep, jatypışerlıkke äuestenıp barady, olar ūltymyzǧa jat mädeniet pen terıs ideologiiany boiyna sıŋırıp jatyr. Sondai-aq, osy blogerlerdıŋ sözıne senıp, şetelge küŋdıkke tüsken qyzdarymyz qanşama?! Bız qysqa ǧana uaqyt ışınde sözı men ısıne jauap bere almaityn blogerlerdıŋ otanyna ainalyp ketkendeimız. Būl – qoǧam üşın de, memleket üşın de qauıptı qūbylys. Al, mūnyŋ bärı bızdegı zaŋnamada bloger märtebesı aiqyndalmaǧannan. Jauapkerşılıktıŋ joq ekenın sezıngen mūndai adamdar ärine, oiyna kelgenın ısteidı. Köpke topyraq şaşudan aulaqpyn. Halyqqa şyn janaşyr blogerler de bızdıŋ elde joq emes. Köpbalaly jalǧyzbasty analarǧa, mügedek jandarǧa järdem berıp, äleumettık jelı arqyly halyqqa paidasyn tigızıp jürgen jerlesterıme tek bas iemın. Oqyrmanǧa qyzyqty ärı paidaly aqparat taratyp, jeke blogyn jürgızıp jürgenderge de aitar dauymyz joq. Bıraq, äleumettık jelılerın paidalanyp, azamattar men ūiymdardyŋ qūqyǧy men zaŋdy müddelerıne ziian keltıretın jalǧan aqparat taratqany üşın olarǧa qoldanylatyn şara qarastyrylmaǧan. Sol sebeptı olarda eşqandai jauapkerşılık joq. Artyn zerttep, şyndyq pa, joq pa bastaryn qatyrmaidy. Bastysy şu. Bastysy söz. Kımnıŋ bolmasyn aldynda tıkeŋdep, betten alyp, jeke basyna tiısedı. Söz bostandyǧy degen osy ma? Bız osylaişa tūtastai bır mamandyqty qor qylyp otyrmyz. Jurnalisterdıŋ köbı jūmyssyz! Olardyŋ bılımı de, talaby da bar. Olardyŋ blogerlerden aiyrmaşylyǧy – ädeptı, sondyqtan da jūmyssyz», – delıngen deputattyq saualda.