Búgin Astanada er adam kranǵa shyǵyp, ózin órtep jiberemin dep qorqytty, dep habarlaıdy "Adyrna" ulttyq portaly.
Ol Soltústik Qazaqstan oblysynda ornalasqan sharýashylyqtaǵy 220 gektar jer telimine qatysty jer daýy boıynsha sot sheshimine narazy kórinedi. Negizi bul jer onyń otbasyna tıesili ekeni aıtylǵan. Al 2002 jyly 2051 jylǵa deıin jeke kásipkerge jalǵa berilgen. Ol otbasyna tabystyń 10 paıyzyn berýi kerek edi, alaıda kranǵa shyǵyp alǵan adamnyń týysynyń aıtýynsha, jalǵa alýshy alǵashqy kúnnen bastap óz mindetterin atqarýdan jaltarǵan.
Bul otbasy ákimdiktiń ózderin jer telimine qatysty quqyǵynan aıyryp, ony 30 jyl merzimge sol jeke kásipkerdiń paıdalanýyna bergenin 2021 jyldyń jeltoqsanynda bir-aq bilgen.
Bul joly er adam Astanaǵa «ákimdiktiń jeke kásipkerge jerdi 30 jyl merzimge jalǵa berý týraly sheshimin zańsyz dep taný, sonymen qatar keltirilgen shyǵyndy óteý» talabymen kelgen. Ol shartyn búgin saǵat 18:00-ge deıin oryndaýdy talap etip otyr. Áıtpese, ózin-ózi órtep jibermek.
