Aqtóbe oblysynda jetim balalardan negizsiz tabys tapqany úshin bilim bóliminiń basshysy sottaldy. Bul týraly Alǵa aýdandyq sotynyń baspasóz qyzmeti jarııalady, dep habarlaıdy “Adyrna” ulttyq portaly.
«Alǵa aýdandyq soty qyzmettik ókilettikterin asyra paıdalandy (361-baptyń 4-bóligi, 3-tarmaǵy), qyzmettik ótirik aqparat berý (369-baptyń 1-bóligi) jáne kásipkerlik qyzmetke zańsyz qatysý (364-bap) aıyptary boıynsha azamatsha Ý.-ǵa qatysty qylmystyq isti qarady» delingen habarlamada.
Tergeý barysynda anyqtalǵandaı, aýdandyq bilim bóliminiń burynǵy basshysy materıaldyq paıda kórý maqsatynda oqý ortalyǵyn qurǵan. Odan keıin bilim bólimi men jeke kásipker arasynda balalarǵa qosymsha bilim berý qyzmetterin kórsetýge kelisim-shart jasap, 1,2 mıllıon teńge alǵan.
«Jazǵy kezeńniń sońyna qaraı bilim bólimi 300 jetim balaǵa 12 kúntizbelik kúnge jazǵy demalys lagerine joldama alýǵa bólingen 18,8 mln teńge kólemindegi bıýdjet qarajatyn ıgerip úlgermeýi múmkin ekenin túsinip, ata-anasynyń qamqorlyǵynsyz qalǵan, az qamtylǵan jáne kóp balaly otbasylardan shyqqan, múgedek balalarǵa jaýapker memlekettik satyp alý týraly sheshim qabyldaıdy. Nátıjesinde keıbir sharttar ózgertilip, lagerge 203 bala jiberildi, onyń ishinde 160 bala joǵaryda atalǵan sanatqa jatpaıdy, belgilengen 12 kúnniń ornyna 7 kúntizbelik kún bolǵan. Demalys aıaqtalǵannan keıin sottalýshy qyzmettik alaıaqtyq jasaýǵa kirisip, resmı qarjylyq qujattarǵa 12 kún ishinde 300 joldama qabyldaǵany týraly kórineý jalǵan aqparat engizgen», – dedi sot.
Jalpy, jaýapker JShS shotyna 10,3 mln teńge aýdarǵan.
«Prokýror proessýaldyq kelisimde sottalýshyǵa jyl saıyn 100 saǵat májbúrli jumysqa tartýmen 3 jyl 6 aı merzimge bas bostandyǵyn shekteý túrindegi qylmystyq quqyq buzýshylyqtardyń jıyntyǵy boıynsha túpkilikti jaza taǵaıyndaýdy surady. Sondaı-aq, memlekettik qyzmettegi laýazymdardy atqarýǵa ómir boıyna tyıym salý túrindegi qosymsha jaza taǵaıyndalsyn», – dedi sot.
Sot Aqtóbe oblysynyń bilim basqarmasynyń basshylyǵyna qatysty jeke uıǵarym shyǵardy. Áıel kinásin moıyndap, shyǵyndy óz erkimen tóledi.
