Olıgarh Qaırat Satybaldynyń burynǵy jubaıy Gúlmıra Satybaldy sotta ózine taǵylǵan aıyptardyń bir bóligimen kelisti, dep habarlaıdy «Adyrna» tilshisi.
«Óz kinámdi jartylaı moıyndaımyn, biraq 125-bap boıynsha taǵylǵan aıypty (Adam urlaý) moıyndamaımyn. Men ony urlap ketsem, qalaı úıime shaqyramyn? Aqylǵa qonymsyz ǵoı. Sondaı-aq basyný (aıyptaý qujatynda QR QK 389-baby 3-bóligi dep kórsetilgen) baby degen bar. Ol aradaǵy bes paıyzdy moıyndaımyn. Mekeshevaǵa 5% akııany beremin dep, sózimde turmadym»,– dedi aıyptalýshy Aıgúl Mekeshevany urlaý epızody boıynsha qoıylǵan suraqtarǵa jaýap berý kezinde.
Eske salaıyq, Gúlmıra Satybaldy 16 naýryzda Astanada ustalyp, ýaqytsha ustaý ızolıatoryna jabyldy. Ol adam urlaý, óz erkimen áreket etý jáne qylmystyq quqyq buzýshylyqty uıymdastyrdy dep aıyptalyp otyr.
