Ministrlık teksergenşe, jasaqşy qazaq ta ündeu joldady (VİDEO)

2338
Adyrna.kz Telegram
https://adyrna.kz/content/uploads/2023/04/f8d8f9b5-618c-4a28-b8cd-f1cf9faa32d7.jpeg
Tomsk memlekettık universitetınde oqityn Qazaqstan azamaty Marǧūlan Bekenov reseilık «Vagner» jeke äskerınıŋ qatarynda Ukrainadaǧy soǧysqa attanǧan. Būl turaly «Sibir.Realii» redaksiiasyna onyŋ anasy Almira Bekenova aitty, dep habarlaidy «Adyrna» tılşısı.
«Nauryz aiynda Tomskıden Krasnodar ölkesıne «qyzyma baramyn» dep kenetten ketkenın bılgende taŋǧaldyq. Keiın belgısız bıreuler ony ūrlap äketıp, äskeri topqa qosqany belgılı boldy. Balammen Molkino hutorynda kezdesuge mümkındık aldym, barlyq jerde reseilık jeke äskeri jasaqtyŋ plakaty ılulı tūr. Marǧūlanmen dūrys söilesuge mümkındık bermedı. Jaǧdaiy naşarlap ketken. Alaida ol eşqandai kelısımşartqa qol qoimaǧanyn jetkızdı»,—deidı jıgıttıŋ anasy.
Bekenovter otbasy 22 jastaǧy qazaqstandyqtyŋ zaŋsyz qamauǧa alynǧany turaly aqparatty Qazaqstan men Reseidıŋ äskeri prokuraturasyna, Işkı ıster ministrlıgıne habarlaǧan. Tıptı ekı eldıŋ prezidentıne de hat joldaǧan. Alaida resmi ötınışterden eşqandai nätije bolmaǧan.
«Reseilık jeke äskeri jasaq ūlymdy 12 säuırde maidanǧa jıberdı»,—deidı Almira Bekenova.
Qazaqstan Syrtqy ıster ministrlıgı būl oqiǧaǧa qatysty tüsınıkteme berdı. Basqarmanyŋ aituynşa, Marǧūlan Bekenov qatarǧa öz erkımen qosylǧan.
«Azamat «Vagner» jeke äsker tobymen erıktı türde kelısımge qol qoiǧan. Qazırgı taŋda aqparatty tekserıp jatyrmyz»,—dep tüsındırdı ministrlıktıŋ resmi ökılı Aibek Smadiiarov.
Aqparat BAQ betınde taralǧannan keiın qazaqstandyq student köpşılıkke ündeu jasady.
«Kompaniiaǧa erıktı türde keldım. Soǧys operasiialaryna öz ülesımdı qosqym keledı. Būl jerde özımdı tamaşa sezınemın. Özımdı taptym. Maǧan barlyǧy ūnaidy»,—dedı Marǧūlan Bekenov.
«Vagner» — Siriiadaǧy, Afrika elderındegı jäne Ukrainadaǧy soǧys operasiialaryna qatysatyn reseilık beiresmi äskeri bölım. Ol Vladimir Putinnıŋ aspazy Evgenii Prigojinge tiesılı. Eske salaiyq, elımızde özge memleketterdıŋ aumaǧyndaǧy soǧys qimyldaryna qatysqan qazaqstandyq azamattar qylmystyq jauapkerşılıkke tartylady. Beinejazbany köru üşın sıltemenı basyŋyz.
Pıkırler