Qasym-Jomart Toqaev Atom energiiasy jönındegı halyqaralyq agenttıktıŋ Bas direktory Rafael Grossige ıltipat bıldıre otyryp, onyŋ sapary Qazaqstan men Agenttık arasyndaǧy yntymaqtastyqty odan ärı nyǧaitu üşın maŋyzdy ekenın atap öttı.
– Sızdıŋ saparyŋyz özara qarym-qatynasymyzdy damytu tūrǧysynan der kezınde jasalyp otyrǧanyna senımdımın. Qazaqstan üşın Agenttıkpen jūmys ısteudıŋ mänı zor. Asa maŋyzdy qūrylymnyŋ basşysy retındegı Sızdıŋ qyzmetıŋızdı qoldaimyz jäne joǧary baǧalaimyz, – dedı Prezident.
Kezdesu barysynda tehnikalyq saladaǧy yntymaqtastyqty nyǧaituǧa jäne elımızde AES saluǧa qatysty auqymdy mäseleler talqylandy.
Prezident atom energiiasyn beibıt maqsatta paidalanu jäne iadrolyq qauıpsızdık rejimın nyǧaitu mäselelerınde Agenttıktıŋ maŋyzdy röl atqaratynyn atap öttı.
Rafael Grossi qūrmet körsetkenı üşın Qasym-Jomart Toqaevqa alǧys aityp, iadrolyq qarudan bas tartu jäne ony taratpau üderısı köşbasşylarynyŋ bırı ärı jauapty jaqtauşysy retınde Qazaqstannyŋ rölın joǧary baǧalady.
– Bız türlı salada köp ıstı bırge atqaryp kelemız. Densaulyq saqtau salasynan bastap iadrolyq energetikany damytuǧa qatysty bolaşaq baǧdarlamaŋyzǧa deiın köptegen mäsele boiynşa Sızben pıkır almasatynyma öte quanyştymyn, – dedı Atom energiiasy jönındegı halyqaralyq agenttıktıŋ Bas direktory.
"Adyrna" ūlttyq portaly
Ūqsas jaŋalyqtar
