Jýrnalıst 940 mln teńgemen ustalǵan Taldyqorǵan qalalyq bilim bóliminiń býhgalterine tań qalýdyń qajeti joq dep esepteıdi.
"Máselen, Astanadaǵy M. Jumabaev atyndaǵy halyqaralyq kolledjde 700 oqýshy memlekettik grantpen oqıdy eken. Biraq sonyń teń jartysy múlde sabaqqa kelmeıdi deıdi muǵalimder. Tipti kolledj tabaldyryǵyn attap kórmegender bar eken. Soǵan qaramastan sol stýdentterdiń sabaǵy tórt pen beske jabylyp, bári aı saıyn stıpendııa alyp otyr deıdi aryzdanýshylar. Kolledjdegi kýratorlar jyldar boıy tóbe kórsetpegen sýtdentterine habarlasyp, ne úshin sabaqqa kelmeı júrgenin suraǵan. Sóıtse olar: «oıbaı, men razve kolledjde oqýshy ma edim? Astanaǵa múlde baryp kórmegem. Shymkentte, Túrkistanda, Tarazda turamyn dep ashyǵyn aıtypty shetinen. Demek, memlekettik grantpen oqyp jatqanyn stýdentterdiń ózderi de bilmeıdi. Olardy báz-bireýler syrtynan oqýǵa túsirip, sabaǵyn 4-5-ke jaýyp, stıpendııasyn ózderi alyp otyr degen sóz. Sosyn osy kolledjdegi jaǵdaıy tómen, ál-aýqaty nashar oqýshylar ystyq tamaqpen qamtylady eken. Alaıda tizimde bar, sabaqta joq oqýshylardyń tamaqqa bólingen aqshasy bireýlerdiń qaltasyna ketip jatyr deıdi muǵalimder", - deıdi Dıas Nuraqyn.
Rasynda bilim ordasynda osyndaı bylyq bolyp jatqanyn kolledj basshylary bilmeýi múmkin emes.
"Kolledj muǵalimderi de memlekettiń mıllıondary astyrtyn urlanyp jatqanyn aıtyp Antıkorǵa, Oqý-aǵartý mınıstrligine jáne Astana qalalyq bilim bólimine, prokýratýraǵa aryzdanǵan. Alaıda, eshqaısysy selt etpegen. Osyndaı aryz-shaǵymǵa der kezinde nazar aýdarmaýdyń kesirinen, Taldyqorǵandyq býhgalterler túıeni túgimen jutyp jatqan joq pa?", - dep alańdaýly jýrnalıst.
