Äleumettık jelıde qatarlastarynyŋ aiausyz tepkısıne ūşyraǧan jasöspırımnıŋ videosy tarady. Talyp jatqan jasöspırımnıŋ aiausyz joqqyǧa jyǧylǧanyn polisiia qyzmetkerlerı "batpaqta taiyp qūlady" dep mälımdegen. Keiınnen beine-derekterge monitoring jürgızu barysynda oqiǧanyŋ özgeşe sipatta örbıgenı anyqtaldy, dep habarlaidy "Adyrna" ūlttyq portaly.
Qyzylorda oblysynyŋ kämelet jasyna tolmaǧan tūrǧyny audandyq auruhanaǧa 2023 jyl, 6 säuır künı tüsken. Videoda ony belgısız toptyŋ talyp jatqanyna qaramastan aiaqpen töpelep jatqany beinelenedı. Qyzylorda oblysynyŋ Polisiia departamentı būl jaǧdaiǧa qatysty tömendegıdei pıkır bıldırdı:
- 2023 jyldyŋ säuır aiynyŋ 6 künı audandyq auruhanaǧa kämeletke tolmaǧan jasöspırımnıŋ körıngendıgı turaly habarlama tüsken. Atalǧan derek Qazaly audandyq polisiia bölımıne tırkelgen. Öz aituynşa, 2023 jyldyŋ 6 säuır künı jasöspırım Äiteke bi kentındegı Jalaŋtös Bahadür atyndaǧy saiabaqta jaŋbyrdan soŋ taiǧaq jolda jügırıp, abaisyzda qūlaǧan. Qazırgı tanda onyŋ jaǧdaiy qanaǧattanarlyq, jäbırlenuşınıŋ jäne onyŋ ata - analary tarapynan şaǧym bolmaǧan.Degenmen äleumettık jelıdegı oqyrmandar polisiia mälımdemesınıŋ bügın özgertılgenın aitady.Derek boiynşa, qosymşa tekseru jäne äleumettık jelılerdı monitoring jürgızu nätijesınde, beinerolikte körsetılgen kämeletke tolmaǧandy ekı jasöspırım ūryp-soqqandyǧy anyqtalyp, Qazaly audany polisiia bölımınıŋ sotqa deiingi tergep tekserudıŋ bırıŋǧai tızılımıne Qazaqstan Respublikasy Qylmystyq kodeksınıŋ 293 babynyŋ 2 bölıgımen (būzaqylyq) tırkelıp, tergep-tekseru äreketterı jürgızılude. Tiıstı saraptamalar taǧaiyndaldy. Polisiia bölımıne küdıktı tūlǧalar jetkızıldı.
- Būl [derekter] bügın özgertıldı jelıde rezonans bolǧasyn. Jelı qoldanuşysy Üitolǧan Jareke.Qoǧam belsendısı Asan Anarbai oqiǧa qatysty tömendegıdei pıkır bıldırdı:
- Qorqau şibörıler tobynan aiausyz taiaq jep, it ölımşı hälde sabalǧan jasöspırımnıŋ jaǧdaiyn köre tūra, Qyzylorda PD poliseilerı «jauynda taiǧanap qūlaǧan» dep bürkei saldy. Bıraq aqparattyq aşyq qoǧam būǧan köz jūma almaidy. Şyndyq tübı şyqpai qoimaidy......Är ıs şynyn tabu üşın rezonans kerek pe?
"Astana" telearnasynyŋ habarlauynşa, äleumettık jelılerge monitoing jürgızu barysynda jasöspırımdı ekı azamattyŋ ūryp-soqqany anyqtalǧan. Qazır Qazaly audandyq polisiia bölımı būl ıs boiynşa sotqa deiıngı tergep-tekseru jürgızıp jatyr. Tiıstı saraptamalar taǧaiyndalǧan. Küdıktı tūlǧalar polisiia bölımıne jetkızılgen.
"Adyrna" ūlttyq portaly
Ūqsas jaŋalyqtar
Qyzylorda
soqqy
jasöspırım
qorlau
qorlyq
qazaly qalasy
Äiteke bi kentındegı Jalaŋtös Bahadür atyndaǧy saiabaq
