Depýtattarǵa jeke kólik pen jeke júrgizýshi berilmeıdi. Bul týraly májilis depýtaty Dáýlet Muqaev aıtty, dep habarlaıdy «Adyrna» tilshisi.
«Kóbi «depýtatta jeke kólik, jeke júrgizýshi bar» dep oılaıdy. Al shyn máninde olaı emes. Bizge bir aıǵa 75 saǵattyq lımıt beriledi. Onyń ózinde tek jumys babymen. Jeke ómiriń úshin (mysaly, balany mektepke aparý, týǵan-týysty tasý) paıdalanýǵa ruqsat joq. Úıden alyp ketip, jumysqa alyp keledi. Nemese kerisinshe. Jetken kezde ýaqyt esepteledi, júrgizýshi bergen arnaıy qaǵazǵa qol qoıamyz. Ár depýtatqa jeke kod beredi. Tapsyrys bererde sony aıtý kerek. Eń qyzyǵy, jumystan qaıtarda erte tapsyrys bermeseń, kólik jetpeı qalýy múmkin. Nemese kútý kerek. Mysaly, men ótken aptada saǵat 18:10-da tapsyrys berdim. «Aldyńyzda 40 tapsyrys bar, kútińiz»,— dedi. Kútpeı, taksımen qaıttym. Sodan beri kómekshim sál erterek qońyraý shalyp, tapsyrys berip qoıatyn boldy»,— dep túsindirdi ol.
Aıtýynsha, qyzmettik kólikterdiń markalary men júrgizýshiler aýysyp otyrady.
«Kólikke keler bolsaq, Toyota, KIA kólikteri júredi. Júrgizýshiler de aýysyp otyrady. Naqty bekitilgen kóligimiz, júrgizýshimiz joq»,—dedi depýtat.
