Aqmola oblysy, Aqköl audanynyŋ tūrǧyny Amantai Erqanat basy bütın qūldyq qamytyna taŋylǧanyn aityp, QR Prezidentı Qasym-Jomart Toqaevtan kömek sūrady, dep habarlaidy "Adyrna" ūlttyq portaly.
Kısı balasynan zäbır körgen azamattyŋ aituynşa, ol bır jarym jyl Qorǧaljyn audanynda tūryp, odan keiın Stepnogorsk qalasyna ketedı. Stepnogorsk qalasynda jylqy baǧyp, tai üiretedı.
Alaida, būrynǧy jūmys beruşı şarua iesı ony tauyp alyp, töpelep, aiausyz soqqyǧa jyǧyp, Qorǧaljyn audanyndaǧy eldı-mekende qol-aiaǧyn bailap ūstaǧan.
Yŋǧaiyn tauyp "qūldyqtan" qaşyp şyqqan azamat tärtıp saqşylaryna aryzdanǧan. Qazır polisiia osy derek boiynşa qylmystyq ıs qozǧady.
«Sol jerde jūmys ıstep jürgen jerımnen menı būrynǧy bastyǧym M. atty azamat pen «sotrudnikter» kelıp, eşqandai eskertusız, adamdardyŋ közınşe ūryp-soǧyp, öz kölıgıne otyrǧyzyp, Qorǧaljyn audanyna alyp kettı. Menı qinap, deneme taŋba salǧan kezde janymda tört kısı boldy. Şeşemmen söilestırgen kezde qasymda kısıler otyratyn. Men sol üşın ol jerden qaşyp kettım. Aryz jazdym. Olar bızde general bar dep qorqytty. Tıptı äke-şeşemdı qorqytyp jatyr. Qūrmettı Qasym-Jomart Toqaev sız aittyŋyz ǧoi jaŋa Qazaqstan qūramyz dep. Al mūndai masqaraǧa qalai jauap beruge bolady», - dedı Erqanat.Beinehabarlama avtory jeke basyna qatysty dauly mäselenıŋ zaŋ aiasynda şeşımın tauyp, kınälılerdıŋ jazalanatynyna kämıl senedı. Ol qazaqtyŋ balasyn qinap ūstaǧany üşın är adam jauap beruı kerek dep sanaitynyn da jetkızdı.
"Adyrna" ūlttyq portaly
Ūqsas jaŋalyqtar
