Taraz qalasy Baryshan turǵyn alqabynda №62 orta mekteptiń ashylý rásimi ótti. 600 oryndyq jańa oqý ordasyn paıdalanýǵa berý sharasyna Jambyl oblysynyń ákimi Nurjan Nurjigitov qatysyp, oqýshylar men mektep ujymyn, oqýshylardy qýanyshymen quttyqtady.
-Bilim berý ınfraqurylymyn damytý bizdiń alǵa qoıǵan basty mindetterimizdiń biri. Búginde oblys mektepteriniń materıaldyq-tehnıkalyq bazasy nyǵaıyp, jańa mektepter soǵylyp, apatty, úsh aýysymdy, oryn tapshylyǵy bar mektepterdiń máselesi ret-retimen sheshimin taýyp keledi. Bul óz kezeginde bilim sapasynyń aıtarlyqtaı ósýine septigin tıgizeri sózsiz.
Jambyl óńirinen shyǵyp, búgingi kúni túrli salada jemisti eńbek etip, elimizdiń damýyna úles qosyp júrgen azamattarymyz az emes.
Sizder de sol aǵa-ápkelerińizdiń izin jalǵastyryp, bolashaqta myqty maman bolyńyzdar,-dedi oblys ákimi.
Budan soń jańa nysannyń lentasy qıylyp, kilti tapsyryldy. Qonaqtar mektep ishin aralap kórip, kabınetterimen tanysty.
Qurylysyn merdiger «Taraz-Irrıgaııa» JShS júrgizgen mektep 23 oqý bólmesimen, kompıýter, modıfıkaııalyq, lıngafon kabınetterimen, sport zal, sheberhana, ashanamen qamtylǵan.
Aıta keteıik, ótken jyly oblysta 20 bilim nysanynyń qurylysyna 7,0 mlrd. teńge bólinip, 8 mektep paıdalanýǵa berilse, aǵymdaǵy jyly 12 nysannyń qurylysy aıaqtalady.
Sondaı-aq, «Jaıly mektep» ulttyq jobasy aıasynda oblysta 20 mektep salynady. Onyń segiziniń qurylysy bıyl bastalsa, qalǵany keler jylǵa josparlanǵan. Taraz qalasynda aǵymdaǵy jyly tórt “Jaıly mekteptiń” qurylysy qolǵa alynady.
