Moldova prezıdenti Maııa Sandý eldiń memlekettik tilin «moldavan tilinen» «rýmyn tiline» ózgertý týraly jarlyqqa qol qoıdy. Buǵan deıin ataýdy ózgertý týraly zań jobasyn parlament maquldaǵan bolatyn, dep habarlaıdy «Adyrna» tilshisi.
Memleket basshysynyń aıtýynsha, rýmyn tili eldi Eýropa odaǵymen ıntegraııalaýǵa kómektesedi.
«Rýmyn tili osynda turatyn jáne osy jerdi jaqsy kóretinderdiń barlyǵyn biriktirgenin qalaımyn. Biz búkil álem boıynsha 27 mıllıonnan astam adammen birge Eýropalyq Odaqtyń resmı tilderiniń biri rýmyn tilinde sóıleımiz. Ondaǵan jyl boıy Moldova azamattary rýmyn tilinde emes, «moldavan» tilinde sóıleıdi dep kelgender bir ǵana nárseni kózdedi. Ol — bizdi bólshekteý. Ultty bir-birinen bólgen soń, ony baǵyndyrý, basqarý ońaıyraq. Ekige bólgisi kelgender lıngvıstıkany oılaǵan joq, olar Moldova halqyn daýlastyrýdy maqsat etti»,— dedi prezıdent.
