Jūrt aldyndaǧy jaqsy atyŋ men bedelıŋdı abaisyz aitylǧan bır söz qūnsyzdandyryp jıberetın jai bolady. Qazaqta mūny "Qasyqtap jinaǧan abyroidy şelektep tögu" deidı. Keşegı debatta sondai jaǧdai boldy.
Şyny kerek, qoǧam jaŋalyq kütude. Ony erteŋgı sailaumen bailanystyruşylar da bar. Jäne jaŋalyqty saiasattaǧy bet-jüzı jaŋa adamdar jasaidy dep joramal jasauşylar Respublika partiiasyna eleŋdep jürgen. Būǧan onyŋ basşylarynyŋ jas ekendıkterı de äser etken boluy kerek. Qanşa degenmen, Maǧjan aqynnyŋ: "Men jastarǧa senemın" degenınde män bar ǧoi.
Degenmen, saiasatqa kelgen jaŋa partiianyŋ müşelerıne senuge bolmaidy eken. Ony keşe ötken debatta basşysy Aidarbek Qojanazarovtyŋ sözınen aŋdauǧa bolady. Tıksınıp qaldym.
Bırınşıden, ol özın asyra baǧalap, basqalardan biık qoiatyn jıgıt eken. Mädeniet turaly aitam dep, alǧaşqy debatqa qatysqan partiialardyŋ bärın mädenietsız degen tūjyrymdy jasap-aq tastady. Ekınşıden, ol özderınıŋ jastardan basqa sanatty mensınbeitının körsettı. Jäne keltırgen mysalyn aitsaişy: "Staruiu sobaku novym triukam ne nauchiş". Sonymen, 60-tan asqandar, aŋdadyŋdar ma, bız eşteŋege jaramsyz, moiyndaǧy qamyt ekenbız...Ärı qarai sözımdı räsuä etkım kelmeidı. Ūlttyq mädenietten, qazaqtyŋ auyz ädebietınen habary joq "jaŋa adamdarǧa" halqymyzdyŋ "Alpysqa kelgennen aqyl sūra" degen ertegısın oquǧa keŋes berem. P.S. Būlarǧa dauys beretın, bıraq olarǧa süikımsız sanattyŋ qataryndaǧylar özderın ne kütıp tūrǧanyn tüsınetın bolar dep oilaimyn...
