Almaty qalasynda matematıkadan Azııa-Tynyq muhıty jáne «Jibek joly» halyqaralyq olımpıadalary óz máresine jetti, dep habarlaıdy «Adyrna» tilshisi Oqý-aǵartý mınıstrligine silteme jasap.
«Daryn» respýblıkalyq ǵylymı-praktıkalyq ortalyǵynyń habarlaýynsha, eki birdeı halyqaralyq bilim saıysyna Qazaqstannyń barlyq óńirinen 157 oqýshy qatysyp, 57 júldeger anyqtaldy.
«Bul halyqaralyq olımpıadalar qashyqtyqtan uıymdastyryldy. Qatysýshy elderdiń uıymdastyrý komıtetteri tapsyrmalardyń sharttaryn jáne baǵalaý krıterıılerin halyqaralyq uıymdastyrý komıtetinen alyp, óz elderinde olımpıadalardy bir ýaqytta derbes ótkizdi. Bul format kóptegen oqýshylardyń halyqaralyq jarystarǵa qatysyp, óz bilimderin synaýǵa múmkindik berip otyr»,– deıdi «Daryn» RǴPO dırektorynyń orynbasary Nurlan Jumageldi.
Aıta keteıik, Azııa-Tynyq muhıty halyqaralyq olımpıadasyna Argentına, Avstralııa, Kanada, Gonkong, Indonezııa, Japonııa, Qazaqstan, Koreıa, Malaızııa, AQSh, Túrkııa, Meksıka sekildi 38 el qatysasa, «Jibek joly» olımpıadasynda Uly Jibek joly boıynda ornalasqan elderdiń daryndy oqýshylary synǵa tústi.
