Foto: e-history.kz
1990 jyldyŋ 24 säuırınde Nūrsūltan Nazarbaev Qazaq Keŋestık Sosialistık Respublikasynyŋ prezidentı bolyp sailandy. Būl şeşım Qazaq SSR Joǧarǧy Keŋesınıŋ sessiiasynda qabyldandy, dep habarlaidy "Adyrna".
Prezidenttık institutty engızu bastamasy 1990 jylǧy 15 nauryzda KSRO-da prezidenttık qyzmettıŋ paida boluymen tūspa-tūs keldı. Sol künı Mihail Gorbachev Keŋes Odaǧynyŋ prezidentı bolyp sailanǧan edı. Osydan keiın Qazaqstanda da prezidenttık basqaru jüiesın engızu mäselesı köterıldı.
1990 jylǧy 12 säuırde «Qazaq SSR prezidentı qyzmetın taǧaiyndau jäne Konstitusiiaǧa özgerıster men tolyqtyrular engızu turaly» zaŋ jobasy jariialanyp, talqylauǧa ūsynyldy. Ekı aptadan soŋ, 24 säuırde Joǧarǧy Keŋes zaŋdy qabyldap, prezident sailauyn ötkızdı. Jasyryn dauys beruge qatysqan 335 deputattyŋ 317-sı Nazarbaevty qoldap, 18-ı qarsy dauys bergen.
Nätijesınde 49 jastaǧy Nūrsūltan Nazarbaev özı basqaratyn joǧarǧy sovette özı prezident bolyp sailandy. Onyŋ kandidaturasyn Qazaqstan Kompartiiasy Ortalyq Komitetınıŋ 21-plenumy ūsynǧan bolatyn.
Keiın, 1990 jylǧy 20 qaraşada qabyldanǧan zaŋǧa säikes, Qazaq KSR Prezidentı joǧary atqaruşy jäne ökımşı bilıktıŋ basşysy bolyp bekıtıldı.
