«Aq jol» dempartııasynyń saılaýaldy úgit-nasıhat toby el aýmaǵy boıynsha halyqpen, eńbek ujymdarymen kezdesýlerin ótkizýde.
Búgin respýblıkalyq shtab músheleri Ǵanı Hamzın, Qaraǵandy oblystyq shtab músheleri Marına Shıller, Oırat Nurqazov partııanyń Qaraǵandy oblystyq fılıalynyń tóraǵasy Ermek Ábildın jáne jergilikti máslıhat depýtattyǵyna úmitkerlermen birge Qaraǵandy oblysynyń ujymdarymen júzdesti.
«Aqjoldyqtar» «Eurasian Foods» AQ jumyskerlerimen kezdesip, partııa saıası baǵdarlamasynyń alty basym baǵytyn tanystyrdy. Sonyń ishinde kásipkerlikti qoldaý máselesine jan-jaqty toqtaldy.
- «Biz júıeli deńgeıdegi de, birden qarastyrýdy qajet etetin máselelerdi de nazarda ustaımyz. Júıeli máselelerge keletin bolsaq, bul, mysaly, «jeke tulǵalardyń bankrottyǵy týraly» zań. Bul máseleni 10 jyldan astam ýaqyt boıy kóterip kelemiz. Zań 3 naýryzdan bastap kúshine enedi. Sonymen qatar, saralanǵan salyq mólsherlemeleri sııaqty júıeli problemalar bar. Bizde qazir barlyǵyna birde 12% QQS pen 20% UTS qoldanady. Iaǵnı, sizder sııaqty azyq-túlik óndiretin kásiporyndarǵa da, munaıshylar men bankterge de birdeı tarıf qarastyrylǵan. Bul ádiletti me? «Aq jol» dempartııasy ádil salyqty talap etedi. Onyń áseri qandaı? Onyń áseri tutynýshylar úshin ónim baǵasynyń arzandyǵy men salyqtyń az bolýy sebepti jumysshylarǵa jalaqy ósirý múmkindiginiń paıda bolatyndyǵynda. Bul bizdiń baǵdarymyz. Kásipkerlikti, shaǵyn jáne orta bıznesti, sizder sııaqty ujymdardy qoldaý. Sizderge jumys isteýge yńǵaıly, sheteldik óndirýshilermen salystyrǵanda básekege qabiletti bolýlaryńyz úshin», - dedi Ǵanı Hamzın.
Partııanyń saılaýaldy baǵdarlamasymen tanystyrǵan soń, kandıdattar Parlamentte atqarylǵan jumystar týraly aıtty. Jumysshylar kókeıdegi suraqtaryn qoıdy. Kópshilikti áleýmettik ádilettilik, sybaılas jemqorlyqpen kúres, ádil saılaý máseleleri qyzyqtyrdy.
Sondaı-aq, sol kúni Respýblıkalyq shtab músheleri Saran qalasynyń ortalyq aýrýhanasyna bardy. «Aq jol» partııasynyń kandıdattary partııanyń saıası baǵdarlamasyn tanystyryp, dárigerlerdiń suraqtaryna jaýap berdi.
Áńgime barysynda medıınalyq saqtandyrý, «Dárigerler men medıına qyzmetkerleriniń mártebesi týraly» zań qabyldaý, dárigerlerdiń táýekelderi úshin tólemderdi bekitý, kásibı jáne adamı abyroıdy qorǵaý máseleleri kóterildi.
Sonymen birge, «aqjoldyqtar» Saran qalasynyń turǵyndarymen elektr qýatymen qamtamasyz etý máseleleri boıynsha jıyn ótkizdi. Turǵyndardy qalanyń ınfraqurylymy, áleýmettik ádilettilik pen ıpotekalyq nesıe máseleleri tolǵandyrdy. Qatysýshylar úmitkerlerge suraqtar qoıyp, usynystary jáne shaǵymdarymen bólisti.
"Adyrna" ulttyq portaly
