Jıgýlı Daırabaev «Respýblıka» partııasyna úndeý jasady, dep habarlaıdy «Adyrna» tilshisi.
«Jaqynda «Respýblıka» partııasynyń lıderi Aıdarbek Hodjanazarov: «Fırmerler bizdiki!»— depti. Buǵan aıtarym bar. Birinshiden, fırmerler bizdiki, mynalardiki, analardiki deıtindeı zat emes. Olardy qorǵa, damyt, biraq iritki salma. Eńbek adamdaryn bólme. Ekinshiden, Aıdarbek inim, Parlamentke baram deseń, zań talaptaryn bil. Halqymyzǵa zııan keltirýshi bolma. GMO ónimderin ósirgenińdi óziń de aıttyń. Onyń adamǵa zııany joq ekeni dáleldenbegen. Sonda partııańmen birge GMO-laryńdy basqalarǵa úıretpekshisińder me? Ol —durys másele emes. «Aýyl»partııasy aýyl múddesin kimnen bolsa da qorǵaıtynyn bilip júr. Aýylǵa zııan keltirýge jol bermeımiz»,—dedi ol Facebook jelisindegi paraqshasynda.
